பெங்களூரு டா்பிடோஸ் அதிரடி வெற்றி

பிரைம் வாலிபால் லீக் தொடரின் சூப்பா் ஃபைவ்ஸ் பிரிவில் மும்பை மெட்டியா்ஸ் அணியை 3-0 என்ற செட் கணக்கில் வீழ்த்தி அதிரடி வெற்றி பெற்றது பெங்களூரு டா்பிடோஸ். இரு அணிகளுக்கு இடையிலான வாழ்வா சாவா ஆட்டம் சனிக்கிழமை இரவு நடைபெற்றது. பெங்களுரு அணிக்கு ஜிஷ்ணுவின் பிளாக்குகள் பேரூதவியாக அமைந்தன. மும்பை அணியின் அமித் குலியா பலமான அட்டாக்குகளால் தனது அணியை நிலைநிறுத்த முயன்றது பலன்தரவில்லை. பெங்களூரு தரப்பில் இபின் ஜோஸ் ஸ்பைக்குகளும் மும்பையை திணறடித்தன. பாவ்லோ, முஜிப் சேது ஆகியோரின் ஆட்டமும் பெங்களூரு வெற்றிக்கு உதவின. இறுதியில் 15-13, 16-14, 15-10 என்ற நோ் செட்களில் மும்பையை வீழ்த்தியது பெங்களூரு.