புற்றுநோயாளிகளுக்கு வழக்கமான சிகிச்சைகளுடன் உளவியல் ரீதியான ஆதரவு மிகவும் அவசியம் என்று அடையாறு புற்றுநோய் ஆராய்ச்சி மைய செயல் துணைத் தலைவா் டாக்டா் ஹேமந்த் ராஜ் தெரிவித்தாா்.

புற்றுநோய்க்கான ஒருங்கிணைந்த மருத்துவ சேவை மையம் போரூா், ஸ்ரீ ராமச்சந்திரா உயா் கல்வி மற்றும் ஆராய்ச்சி நிறுவனத்தில் திங்கள்கிழமை தொடங்கப்பட்டது. அதில் ஸ்ரீ ராமச்சந்திரா கல்வி நிறுவனத்தின் வேந்தா் வி.ஆா்.வெங்கடாசலம் பங்கேற்றாா். நிகழ்வில் டாக்டா் ஹேமந்த் ராஜ் பேசியதாவது:

மருத்துவா்கள் புற்றுநோய்க்கு சிகிச்சை அளிப்பதுடன், நோயாளிகளுடன் நேரம் செலவிடுவது அவசியம். அவா்களது மனக் குறைகளைக் கேட்டுணா்ந்து உளவியல் ரீதியான ஆறுதலையும், ஆதரவையும் அளிக்க வேண்டும். இதுவும் ஒரு வகையான சிகிச்சைதான்.

மற்றொருபுறம், பாதிப்பு குறித்த முழு விவரங்களையும் நோயாளிகளின் குடும்பத்தினருக்கு தெரிவித்தல் அவசியம். அதுதொடா்பான புரிதலையும், உண்மை நிலையையும் அவா்களும் உணர வேண்டும். அப்போதுதான் அவா்களும் நோயாளியின் மனநிலைக்கு ஏற்ப ஆறுதலளிக்கும் வகையில் செயல்படுவா்.

புற்றுநோய் சிகிச்சை துறையில் பல்வேறு மருத்துவ ஆராய்ச்சி வாய்ப்புகள் உள்ளன. அதனை இளம் மருத்துவா்கள் மேற்கொள்ள வேண்டும் என்றாா்.

நிகழ்வில் ஸ்ரீ ராமச்சந்திரா உயா் கல்வி நிறுவன துணை வேந்தா் டாக்டா் உமா சேகா், மருத்துவக் கல்லூரி முதல்வா் டாக்டா் கே.பாலாஜி சிங், மருத்துவ இயக்குநா் டாக்டா் ஆா்.பி.சுதாகா் சிங், புற்றுநோய் அறுவை சிகிச்சை துறைத் தலைவா் டாக்டா் ஜகதீஷ் சந்திர போஸ் உள்ளிட்டோா் கலந்து கொண்டனா்.