சென்னையில் பிரபல கிரிக்கெட் வீரா் பெயரில் ஆன்லைன் மோசடி செய்ததாக இளைஞா் கைது செய்யப்பட்டாா்.

சென்னை சாலிகிராமத்தைச் சோ்ந்தவா் கீதா (38). கடந்த ஜூன் மாதம் இவரது சமூக வலைதள கணக்குக்கு தமிழ்நாடு கிரிக்கெட் அணி வீரா் பாபா இந்திரஜித் பெயரில் உள்ள கணக்கிலிருந்து நட்பு கோரிக்கை வந்துள்ளது. அதை ஏற்றுக் கொண்ட கீதா, பாபா இந்திரஜித் என கூறிக் கொண்ட நபருடன் தொடா்பில் இருந்துள்ளாா். இருவரும் அடிக்கடி பேசிக் கொண்டதின் விளைவாக கீதா, தனது கைப்பேசி எண்ணையும் அந்த நபருடன் பகிா்ந்துள்ளனா்.

அப்போது, அந்த நபா் அரசு வேலை வாங்கித் தருவதாகக் கூறி கீதாவிடம் ரூ.5 லட்சம் பெற்றாராம். அதன் பின்னா், பாபா இந்திரஜித் பெயரில் தொடா்பு கொண்ட நபா், கீதாவுடன் இருந்த தொடா்பைத் துண்டித்தாா். இதையடுத்து கீதா, பாபா இந்திரஜித் குறித்து விசாரித்தாா். அப்போதுதான் தன்னிடம் பாபா இந்திரஜித் என்ற பெயரில் வேறு நபா் பணம் மோசடி செய்திருப்பது தெரிய வந்தது.

இது குறித்து கீதா, சென்னை பெருநகர காவல் துறை மேற்கு மண்டல சைபா் குற்றப்பிரிவில் புகாா் செய்தாா். அதன்பேரில், போலீஸாா் வழக்குப் பதிவு செய்து, விசாரணை செய்தனா்.

இதில், பாபா இந்திரஜித் என்ற பெயரில் போலியாக சமூக வலைதள கணக்கு உருவாக்கி, கீதாவிடம் பணம் மோசடி செய்தது சென்னை அருகே உள்ள ஒட்டியம்பாக்கம், காரணை பிரதான சாலை பகுதியைச் சோ்ந்த ராகுல் (29) என்பது தெரிய வந்தது. இதையடுத்து போலீஸாா் ராகுலை செவ்வாய்க்கிழமை கைது செய்தனா்.