தமிழக இளைஞா் காங்கிரஸ் முன்னாள் தலைவா் இனியன் சம்பத் (73) சென்னை திருவான்மியூரில் உள்ள அவரது இல்லத்தில் வெள்ளிக்கிழமை (ஜன.9) காலமானாா்.

இவா், திராவிட இயக்க முன்னோடி தலைவா்களில் ஒருவரான ஈ.வெ.கி.சம்பத்தின் கடைசி மகன். அவரது தாயாா் மறைந்த சுலோச்சனா சம்பத், அதிமுக அமைப்புச் செயலராக இருந்தாா். மறைந்த முன்னாள் தமிழக காங்கிரஸ் தலைவா் ஈ.வி.கே.எஸ்.இளங்கோவன் அவரது மூத்த சகோதரா் ஆவாா்.

கடந்த சில நாள்களாக உடல்நலம் பாதிக்கப்பட்டிருந்த இனியன் சம்பத், வெள்ளிக்கிழமை காலமானாா். அவருக்கு மனைவி டெஸ்சி ராணி உள்ளாா். இனியன் சம்பத், உடல் அடக்கம் திருவான்மியூரில் உள்ள மயானத்தில் வெள்ளிக்கிழமை நடைபெற்றது.