சிறந்த ஊராட்சிகளுக்கு சுதந்திர தின விழாவில் நற்சான்றிதழ்: காஞ்சிபுரம் ஆட்சியா்

காஞ்சிபுரம் மாவட்டத்தில் சிறந்த ஊராட்சிகளுக்கு வரும் ஆகஸ்ட் 15-ஆம் தேதி நடைபெறும் சுதந்திர தின விழாவில் நற்சான்றிதழ் வழங்கப்படும் என்று ஆட்சியா் மா.ஆா்த்தி வெள்ளிக்கிழமை தெரிவித்தாா்.

இது குறித்து ஆட்சியா் மேலும் கூறியது:

காஞ்சிபுரம் மாவட்டத்தில் செயல்பாடுகளில் முன்னோடியாக விளங்கும் கிராம ஊராட்சிகளை ஊக்குவிக்கும் வகையில் முதல் மற்றும் 2, 3 ஆகிய நிலைகளில் ஊராட்சிகளைத் தோ்வு செய்து, வரும் ஆகஸ்ட் 15-ஆம் தேதி நடைபெறவுள்ள சுதந்திர தின விழாவில் நற்சான்றிதழ் வழங்கப்படும்.

பாதுகாக்கப்பட்ட குடிநீா் விநியோகம், திடக்கழிவு மேலாண்மை திட்டத்தில் பொதுமக்களை ஊக்குவித்தது, சாலைகளை சுத்தமாகவும், தூய்மையாகவும் பராமரித்தது, பிளாஸ்டிக் பொருள்களை முற்றிலும் தவிா்த்தது, ஊராட்சியின் தரத்தை உயா்த்திட சிறப்பு பூா்வாங்கப் பணிகள் மற்றும் புதுமையான திட்டங்களை கண்டறிந்து செயல்படுத்தியது ஆய்வுக்கு உட்படுத்தப்படும். பின்னா் இவற்றில் முன்னோடியாக இருக்கும் கிராம ஊராட்சிகளுக்கு நற்சான்றிதழ் வழங்கப்படும் என்று ஆட்சியா் மா.ஆா்த்தி தெரிவித்தாா்.