காஞ்சிபுரம் மேயா் மீது கொண்டு வரப்பட்ட நம்பிக்கையில்லா தீா்மானம் தோல்வி அடைந்ததாக மாநகராட்சி ஆணையா் செந்தில்முருகன் திங்கள்கிழமை அறிவித்தாா்.

காஞ்சிபுரம் மாநகராட்சியின் 9-ஆவது வாா்டு மாமன்ற உறுப்பினா் எம்.மகாலட்சுமி யுவராஜ் மேயராக பெரும்பான்மை உறுப்பினா்களால் தோ்வு செய்யப்பட்டு, கடந்த 2022-ஆம் ஆண்டு முதல் பதவி வகித்து வருகிறாா். மாநகராட்சியில் மொத்தம் உள்ள 51 உறுப்பினா்களில் திமுக 33, அதிமுக 8, காங்கிரஸ், பாஜக ஆகியவை தலா 1, சுயேச்சைகள் 8 உள்பட 51 உறுப்பினா்கள் உள்ளனா்.

மேயா் மீது அதிருப்தி ஏற்பட்ட திமுக மற்றும் எதிா்க்கட்சியை சோ்ந்த அதிமுக உறுப்பினா்கள் மேயா் மீது நம்பிக்கையில்லா தீா்மானம் கொண்டு வர வேண்டும் என்று காஞ்சிபுரம் ஆட்சியா் கலைச்செல்வி மோகனிடம் கடந்த ஜூன் மாதம் 7-ஆம் தேதி கோரிக்கை மனு அளித்திருந்தனா்.

மனுவில், மேயா் தங்களது பகுதிகளில் உள்ள வாா்டுகளில் நலப் பணிகளை முறையாக செய்யவில்லை என்றும், அதனால் நம்பிக்கையில்லா தீா்மானம் கொண்டு வர வேண்டும் என்றும் குறிப்பிட்டிருந்தனா். இது தொடா்பாக மேயருக்கு எதிா்ப்பு தெரிவித்த உறுப்பினா்கள் ஆா்ப்பாட்டம், உண்ணாவிரதம் உள்ளிட்ட போராட்டங்களை நடத்தினா்.

இதையடுத்து, காஞ்சிபுரம் மாநகராட்சி ஆணையா் செந்தில்முருகன் ஜூலை 29-ஆம் தேதி மேயா் மீது நம்பிக்கையில்லா தீா்மானமும், அத்தீா்மானத்தின் மீது விவாதமும் நடத்தப்படும் என அறிவிப்பு வெளியிட்டிருந்தாா்.

இதன்படி, காஞ்சிபுரம் மாநகராட்சி மாமன்ற கூட்ட அரங்கமான அண்ணா அரங்கில் நம்பிக்கை இல்லா தீா்மானம் நடத்துவதற்கான அனைத்து ஏற்பாடுகளும் செய்யப்பட்டிருந்தன.

சரியாக காலை 10 மணிக்கு தோ்தல் அலுவலரும், மாநகராட்சி ஆணையருமான செந்தில்முருகன் கூட்ட அரங்கில் அமா்ந்தாா். மாமன்ற உறுப்பினா்களின் இருக்கைகள் அனைத்தும் வெறிச்சோடிக் காணப்பட்டன. காலை 11.40 மணி வரை காத்திருந்த அவா் மாமன்ற கூட்ட அரங்கிற்கு ஒரு உறுப்பினா் கூட வரதாதால் மேயா் மீது கொண்டு வரப்பட்ட நம்பிக்கையில்லா தீா்மானம் தோல்வி அடைந்தததாக அறிவித்தாா். இந்த அறிவிப்பின் மூலம் மேயா் மகாலட்சுமி யுவராஜ் தனது பதவியை தக்க வைத்துகொண்டு நீடிப்பது உறுதியாகியுள்ளது.

மேயருக்கு எதிா்ப்பு தெரிவித்த எதிா்க்கட்சியைச் சோ்ந்த அதிமுக உறுப்பினா்கள் மற்றும் திமுகவில் இருந்து கொண்டே அவா்களது கட்சிப் பிரமுகருக்கு எதிா்ப்பு தெரிவித்த உறுப்பினா்கள் உள்பட ஒரு உறுப்பினா் கூட நம்பிக்கையில்லா தீா்மானத்துக்கு எதிராக வாக்களிக்க வரவில்லை என்பது குறிப்பிடத்தக்கது.

நம்பிக்கையில்லா தீா்மானக் கூட்டம் நடைபெற்ற அண்ணா அரங்கம் முழுவதும் காஞ்சிபுரம் டிஎஸ்பி முரளி தலைமையில் பலத்த போலீஸ் பாதுகாப்பு ஏற்பாடுகள் செய்யப்பட்டிருந்தன.