சுற்றுச்சூழல் மேம்பாட்டுக்கு பாடுபட்டவா்களுக்கு ஆட்சியா் பாராட்டு

காஞ்சிபுரம்: எங்கள் பள்ளி மிளிரும் பள்ளி திட்டத்தின் கீழ் காஞ்சிபுரம் மாவட்டத்தில் அரசுப்பள்ளிகளில் சிறப்பாக செயல்படும் களப்பணியாளா்களுக்கு ஆட்சியா் கலைச்செல்வி மோகன் திங்கள்கிழமை பாராட்டு சான்றிதழும், கேடயமும் வழங்கினாா்.

கடந்த 2023-ஆம் ஆண்டு முதல் தமிழகத்தில் உள்ள அனைத்து அரசுப் பள்ளிகளிலும் எங்கள் பள்ளி மிளிரும் பள்ளி எனும் சுற்றுச்சூழல் சாா்ந்த திட்டம் செயல்படுத்தப்பட்டு வருகிறது.

இத்திட்டத்தின் மூலம் பள்ளி மாணவ, மாணவியருக்கு வளாகத்தூய்மை, திடக்கழிவு மேலாண்மை, நெகிழி பயன்பாட்டைக் குறைத்தல், இயற்கைக்கு உகந்த பொருள்களை பயன்படுத்துதல், பள்ளிகளில் காய்கறி மற்றும் மூலிகைத் தோட்டம் அமைத்து பாதுகாத்தல், பள்ளிகளில் சுற்றுச்சூழல் விழிப்புணா்வு ஏற்படுத்துதல் ஆகியன செயல்படுத்தப்பட்டு வருகின்றன.

இத்திட்டத்தினை அரசுப் பள்ளிகளில் சிறப்பாக செயல்படுத்திக் கொண்டிருக்கும் சுற்றுச்சூழல் களப்பணியாளா்கள், மாணவ, மாணவியா்,ஆசிரியா்கள், பள்ளிகளோடு இணைந்து செயலாற்றிய தன்னாா்வ தொண்டு நிறுவனங்கள் ஆகியவற்றுக்கு ஆட்சியா் கலைச்செல்வி மோகன் பாராட்டுச் சான்றிதழ் மற்றும் கேடயமும் வழங்கினாா்.

நிகழ்வின் போது முதன்மைக்கல்வி அலுவலா் வெ.வெற்றிச்செல்வி உள்பட மாவட்ட கல்வி அலுவலா்கள், சுற்றுச்சூழல் ஆா்வலா்கள் பலரும் உடனிருந்தனா்.

குறை தீா்க்கும் கூட்டம்-

முன்னதாக ஆட்சியா் அலுவலக மக்கள் நல்லுறவு கூட்ட அரங்கில் மக்கள் குறை தீா் கூட்டமும் நடைபெற்றது. ஆட்சியா் கலைச்செல்வி மோகன் தலைமை வகித்து பொதுமக்களிடமிருந்து மொத்தம் 315 கோரிக்கை மனுக்களைப் பெற்று அவற்றை பரிசீலித்து சம்பந்தப்பட்ட துறை அலுவலா்களுக்கு அனுப்பி உடனடியாக தீா்வு காணுமாறும் கேட்டுக் கொண்டாா்.

கூட்டத்தில் மாவட்டஊரக வளா்ச்சி முகமையின் திட்ட அலுவலா் க.ஆா்த்தி, ஆட்சியரின் நோ்முக உதவியாளா்(பொது)சத்யா, மாவட்ட வழங்கல் அலுவலா் சி.பாலாஜி, தனித் துணை ஆட்சியா்(சமூகப் பாதுகாப்புத்திட்டம்) பாக்கியலட்சுமி, அனைத்து துறை அலுவலா்களும் கலந்து கொண்டனா்.