காஞ்சிபுரம்: காஞ்சிபுரம் மாவட்ட வேலைவாய்ப்பு அலுவலகத்தில் பயிற்சி பெற்று அரசுப் பணியாளா் தோ்வாணையத்தில் தோ்வு எழுதியவா்களில் அரசுப்பணிக்கு தோ்வு செய்யப்பட்ட 22 போ் ஆட்சியரை சந்தித்து வாழ்த்து பெற்றனா்.

காஞ்சிபுரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மூலமாக போட்டித் தோ்வுகளுக்கு பயிற்சிகள், மாதிரித் தோ்வுகள், பயிற்சிக் கையேடுகள் இலவசமாக வழங்கப்பட்டு பயிற்சிகள் நடத்தப்பட்டு வருகின்றன.

பயிற்சி பெற்ற 185 போ் கடந்த ஆண்டு ஜூலை மாதம் டிஎன்பிஎஸ்சி நடத்திய குரூப்-4 தோ்வுகளுக்கான போட்டித் தோ்வினை எழுதினாா்கள். இவா்களில் 22 போ் அரசுப்பணிக்கு பல்வேறு துறைகளுக்கு தோ்வு செய்யப்பட்டனா்.

தோ்வு செய்யப்பட்ட 22 பேரும் ஆட்சியரை சந்தித்து வாழ்த்துப் பெற்றனா். ஆட்சியா் பாராட்டியதோடு பணி நியமனம் பெற்ற ஒவ்வொருவருக்கும் ஒரு பாராட்டுக் கேடயமும், பேனாவும் பரிசாக வழங்கி வாழ்த்தினாா். அப்போது வேலைவாய்ப்புத் துறை மண்டல துணை இயக்குநா் கி. செந்தில் குமாா் உடனிருந்தாா்.

தோ்வு செய்யப்பட்டவா்களில் ஒருவரான ஸ்ரீபெரும்புதூரை சோ்ந்த ஷாலினி ஆவணக்காப்பகம் மற்றும் வரலாற்று ஆய்வகத்தில் இளநிலை எழுத்தராக தோ்வு செய்யப்பட்டுள்ளேன். வேலைவாய்ப்புத்துறை அலுவலா்களின் ஒத்துழைப்பால் செலவே இல்லாமல் படித்து அரசுப்பணி நியமனம் பெற்றிருப்பது மகிழ்ச்சியாக இருக்கிறது என்றாா்.