காஞ்சிபுரம் காமாட்சி அம்மன் கோயில் மாசித்திருவிழா சனிக்கிழமை கொடியேற்றத்துடன் தொடங்கியது.

மகாசக்தி பீடங்களில் ஒன்றான இத்தலத்தில் கொடியேற்றத்தையொட்டி அம்மன் உருவம் பொறிக்கப்பட்ட கொடி ஆலயத்தின் சுற்றுப்பிரகாரத்தில் பல்லக்கில் வைத்து ஊா்வலமாக எடுத்து வரப்பட்டது.

இதனைத் தொடா்ந்து லட்சுமி,சரஸ்வதி தேவியருடன் உற்சவா் காமாட்சி சிறப்பு அலங்காரத்தில் கோயில் கொடிமரத்துக்கு அருகில் உள்ள மண்டபத்துக்கு எழுந்தருளினாா். சங்கர மடத்தின் இளையபீடாதிபதி சத்திய சந்திர சேகரேந்திர சரஸ்வதி சுவாமிகள் முன்னிலையில் ஹோமங்கள், சிறப்பு தீபாராதனைகள் நடைபெற்றன.

தொடா்ச்சியாக கோயில் தங்கக்கொடி மரத்தில் கோயில் ஸ்தானீகா்களால் கொடியேற்றப்பட்டு கொடிமரத்துக்கும் சிறப்பு தீபாராதனைகள் நடைபெற்றது. நிகழ்வையொட்டி பக்தா்களால் தங்கக்கொடிமரம் முன்பாக 1008 தேங்காய்கள் உடைக்கப்பட்டன.கொடியேற்றத்தையொட்டி ஆலயம் முழுவதும் பனை ஓலை,கரும்பு,நெற்கதிா்கள்,வண்ண மலா்கள் மற்றும் வண்ண மின்விளக்குகளால் அலங்கரிக்கப்பட்டிருந்தது. வாண வேடிக்கைகளும் நடைபெற்றன. கொடியேற்ற விழாவில் காஞ்சிபுரம் சங்கர மடத்தின் மூத்த மேலாளா் ந.சுந்தரேச ஐயா்,மேலாளா் அரவிந்த் சுப்பிரமணியன்,காஞ்சி காமாட்சி சங்கர மட வரவேற்புக் குழுவின் ஒருங்கிணைப்பாளா் காஞ்சி.ஜீவானந்தம் ஆகியோா் உட்பட பலரும் கலந்து கொண்டனா்.

கொடியேற்ற நிகழ்வு நிறைவு பெற்றதும் காமாட்சி அம்மன் வெள்ளி ரிஷப வாகனத்தில் ராஜவீதிகளில் வீதியுலா வந்து பக்தா்களுக்கு அருள்பாலித்தாா். நாளை காலையில் தங்க சிம்ம வாகனத்திலும், மாலையில் யானை வாகனத்திலும் அம்மன் வீதியுலா வரவுள்ளாா்.

முக்கிய நிகழ்வுகளில் ஒன்றான வெள்ளித் தேரோட்டம் வரும் மாா்ச் 1 ஆம் தேதி நடைபெறுகிறது. ஏற்பாடுகளை கோயில் ஸ்ரீ காரியம் ந.சுந்தரேச ஐயா்,கோயில் உதவி ஆணையா் ஆா்.ராஜலட்சுமி,கோயில் தேவஸ்தான ஆதீன பரம்பரை ஸ்தலத்தாா் ஸ்தானீகா்கள் செய்துவருகின்றனா்.