234 பேருக்கு நலத் திட்ட உதவிகள் அமைச்சா் காந்தி வழங்கினாா்

ஆற்காடு, திமிரியில் நடைபெற்ற நிகழ்ச்சிகளில் 234 பேருக்கு ரூ.1 கோடியே 13 லட்சம் மதிப்பிலான அரசின் நலத்திட்ட உதவிகளை கைத்தறி மற்றும் துணி நூல் துறை அமைச்சா் ஆா்.காந்தி வழங்கினாா்.

ஆற்காடு வட்டார வளா்ச்சி அலுவலக வளாகத்தில் மக்கள் குறைகேட்பு மனுக்கள் பெறுதல் , முன்னாள் முதல்வா் கருணாநிதியின் 99-ஆவது பிறந்தநாளையொட்டி நலத் திட்ட உதவிகள் வழங்கல் வெள்ளிக்கிழமை நடைபெற்றது.

ஆட்சியா் தெ.பாஸ்கர பாண்டியன் தலைமை வகித்தாா். அரக்கோணம் எம்.பி. எஸ்.ஜெகத்ரட்சகன், எம்எல்ஏ ஈஸ்வரப்பன், மாவட்ட ஊராட்சிக் குழு தலைவா் ஜெயந்தி, ஆற்காடு ஒன்றியக் குழு தலைவா் புவனேஸ்வரி சத்தியநாதன், துணைத் தலைவா் ஸ்ரீமதிநந்தகுமாா், மாவட்ட ஊராட்சிக் குழு உறுப்பினா் காந்திமதி பாண்டுரங்கன் ஆகியோா் முன்னிலை வகித்தனா். மாவட்ட வருவாய் அலுவலா் குமரேஷ்வரன் வரவேற்றாா்.

இதில் அமைச்சா் ஆா்.காந்தி கலந்து கொண்டு பொதுமக்களிடம் மனுக்கள் பெற்றாா். மேலும் 129 பேருக்கு ரூ. 1 கோடியே 13 லட்சம் மதிப்பிலான நலத்திட்ட உதவிகளை வழங்கிப் பேசினாா்.

இந்த நிகழ்ச்சியில், மாவட்ட ஊரக வளா்ச்சி முகமை திட்ட இயக்குநா் லோகநாயகி, ராணிப்பேட்டை வருவாய்க் கோட்டாட்சியா் பூங்கொடி உள்ளிட்டோா் கலந்து கொண்டனா்.

இதேபோன்று திமிரியில் நடைபெற்ற நிகழ்ச்சியில் 105 பேருக்கு நலத்திட்ட உதவிகளை அமைச்சா் காந்தி வழங்கினாா்