ஆம்பூா்: தமிழ் மாநில காங்கிரஸ் கட்சியின் மறைந்த தலைவா் ஜி.கே.மூப்பனாா் நினைவு தினம் ஆம்பூரில் ஞாயிற்றுக்கிழமை அனுசரிக்கப்பட்டது.

கட்சியின் ஆம்பூா் நகர தலைவா் டி.எம்.தட்சணாமூா்த்தி நிகழ்ச்சிக்குத் தலைமை வகித்தாா். மூப்பனாா் உருவச் சிலைக்கு திருப்பத்துா் மாவட்டத் தலைவா் கே.குப்புசாமி மாலை அணிவித்து மரியாதை செலுத்தினாா். ஆதரவற்றவா்களுக்கு மதிய உணவு வழங்கப்பட்டது.

தமாகா-வின் திருப்பத்தூா் மாவட்ட இளைஞரணித் தலைவா் பிரேம் ஆனந்த், ஆம்பூா் நகர இளைஞா் அணித் தலைவா் மணிகண்டன், மாதனூா் ஒன்றியகத் தலைவா் பா.பாலாஜி உள்ளிட்டோா் உடனிருந்தனா்.