சொத்துத் தகராறில் தம்பி அடித்துக் கொலை அண்ணன் உள்பட 5 போ் கைது

திருப்பத்தூரில் சொத்துத் தகராறில் தம்பியை கொலை செய்ததாக அண்ணன் உள்பட உறவினா்கள் 5 பேரை போலீஸாா் கைது செய்தனா்.

திருப்பத்தூா், சிவனாா் தெருவைச் சோ்ந்தவா் பாஸ்கா் (49). திருமணமாகாதவா். அப் பகுதியில் ஹாா்டுவோ் கடை நடத்தி வந்தாா். இந்நிலையில், பாஸ்கருக்கும், அவரது அண்ணன் ரவீந்திரனுக்கும் (54) இடையே சில ஆண்டுகளாக சொத்துத் தகராறு இருந்து வந்ததாகக் கூறப்படுகிறது.

இதுதொடா்பாக, வெள்ளிக்கிழமை இரவு இருவருக்கும் இடையே மீண்டும் தகராறு ஏற்பட்டது. ஆத்திரமடைந்த ரவீந்திரன் மற்றும் அவரது மகன்கள் கிருஷ்ணகுமாா் (24), லால் விஷ்ணு (19), உறவினா்கள் ஜெயவேல் (64), வான்முகிலன் (25) ஆகியோா் சோ்ந்து பாஸ்கரனை சரமாரியாகத் தாக்கியதில் பாஸ்கரன் நிகழ்விடத்திலேயே உயிரிழந்தாா்.

தகவலறிந்து சம்பவ இடத்துக்கு வந்த திருப்பத்தூா் நகர போலீஸாா், பாஸ்கரின் சடலத்தை மீட்டு, அரசு மருத்துவமனைக்கு அனுப்பி வைத்தனா்.

இது தொடா்பாக பாஸ்கரின் சகோதரி லதா அளித்த புகாரின்பேரில், போலீஸாா் வழக்குப் பதிந்து ரவீந்திரன் உள்ளிட்ட 5 பேரையும் கைது செய்தனா்.