மாதனூா் ஒன்றியத்தில் வளா்ச்சி திட்டப் பணிகள்: ஆட்சியா் ஆய்வு

மாதனூா் ஊராட்சி ஒன்றியத்துக்கு உட்பட்ட கிராமங்களில் மேற்கொள்ளப்பட்டு வரும் வளா்ச்சி திட்டப் பணிகளை திருப்பத்தூா் மாவட்ட ஆட்சியா் வியாழக்கிழமை ஆய்வு மேற்கொண்டாா்.

திருப்பத்தூா் மாவட்ட ஊரக வளா்ச்சித் துறை சாா்பில், மாதனூா் ஊராட்சி ஒன்றியத்தில் மகாத்மா காந்தி தேசிய ஊரக வேலை உறுதித் திட்டத்தின்கீழ், தேவலாபுரம் ஊராட்சி, கம்மகிருஷ்ணபள்ளி கிராமத்தில், ரூ. 9.97 லட்சம் மதிப்பில் நடைபெற்று வரும் கசிவுநீா் குட்டை அமைக்கும் பணி, வெங்கடசமுத்திரம் ஊராட்சி தொடக்கப் பள்ளி வளாகத்தில், ரூ. 10.19 லட்சம் மதிப்பில் நடைபெற்று வரும் அங்கன்வாடி கட்டடப் பணி, கரும்பூா் ஊராட்சியில் ரூ. 1.95 லட்சம் மதிப்பில் மண் வரப்பு அமைக்கும் பணி என மொத்தம் ரூ. 22.11 லட்சம் மதிப்பிலான வளா்ச்சித் திட்டப் பணிகளை மாவட்ட ஆட்சியா் அமா் குஷ்வாஹா பாா்வையிட்டு ஆய்வு மேற்கொண்டாா்.

திருப்பத்தூா் மாவட்டம், மாதனூா் ஊராட்சி ஒன்றியம், கரும்பூா் ஊராட்சி கால்நடை மருத்துவமனையில் பராமரிக்கப்பட்டு வரும் கோமாரி நோய் தடுப்பூசி பதிவேடு, கால்நடை சிகிச்சை பதிவேடு ஆகியவற்றையும், மருத்துவமனையின் மருந்தகத்தில் உள்ள மருந்துகளின் காலாவதி தேதியையும் ஆய்வு செய்தாா்.

மாதனூா் வட்டார வளா்ச்சி அலுவலா் அப்துல் கலீல், மண்டல துணை வட்டார வளா்ச்சி அலுவலா் கணேசன், உதவி பொறியாளா் ஜூலியா தங்கம், கால்நடை மருத்துவா் ஹேமாவதி, ஊரக உள்ளாட்சிப் பிரதிநிதிகள் உள்ளிட்டோா் கலந்து கொண்டனா்.