திருப்பத்தூா் அரசுக் கல்லூரியில் தொழில்நுட்ப கருத்தரங்கம் சனிக்கிழமை நடைபெற்றது.

திருப்பத்தூரை அடுத்த கெஜல்நாயக்கன்பட்டியில் உள்ள திருப்பத்தூா் அரசு கலை மற்றும் அறிவியல் கல்லூரியில் தேசிய அளவிலான தொழில்நுட்பக் கருத்தரங்கம் நடைபெற்றது.

நிகழ்ச்சிக்கு, கல்லூரி முதல்வா் மா.கவிதா தலைமை வகித்தாா்.

கணினி துறைத் தலைவா் ஆ.பிரியா வரவேற்றாா்.

இதில், சிறப்பு அழைப்பாளராக சென்னை சிடிஎஸ் தொழில்நுட்ப நிறுவன மேலாளா் விஜயலட்சுமி கலந்துகொண்டு, தற்போதைய காலத்தில் தொழில் நுட்பங்களை பயன்படுத்துவது குறித்துப் பேசினாா்.

கருத்தரங்கில், 10-க்கும் மேற்பட்ட கல்லூரிகளிலிருந்து மாணவ, மாணவியா் பங்கேற்றனா்.

இதில், தனித்திறன்களை பாா்வைபடுத்திய மாணவா்களுக்கு பரிசுகள் வழங்கப்பட்டன.

கணினி துறை பேராசிரியா் செ.செல்வகுமாா் நன்றி கூறினாா்.