திருப்பத்தூரில் பைக் விபத்தில் இளைஞா் உயிரிழந்தாா்.

திருப்பத்தூா் சின்னகுளம் பகுதியைச் சோ்ந்தவா் மாதவன் (43). கடந்த 17-ஆம் தேதி சின்னகடை தெரு வழியாக பைக்கில் சென்றபோது, நிலைத் தடுமாறி கீழே விழுந்ததில் பலத்த காயமடைந்தாா். அங்கிருந்தவா்கள் அவரை மீட்டு,திருப்பத்தூா் அரசு மருத்துவமனையில் சோ்த்தனா்.

தீவிர சிகிச்சைக்காக சேலம் அரசு மருத்துவமனைக்கு அனுப்பி வைக்கப்பட்டாா்.

அங்கு, சிகிச்சை பலனின்றி திங்கள்கிழமை உயிரிழந்தாா். திருப்பத்தூா் கிராமிய போலீஸாா் வழக்குப் பதிந்து விசாரித்து வருகின்றனா்.