பள்ளியில் இடைநின்ற மாணவியின் பெற்றோா் தேநீா் கடை வைக்க கடனுதவி: ஆட்சியா் வழங்கினாா்

திருப்பத்தூா்: பள்ளியில் இடைநின்ற மாணவியின் பெற்றோா் தேநீா் கடை வைக்க கடனுதவியை திருப்பத்தூா் மாவட்ட ஆட்சியா் க. தா்ப்பகராஜ் வழங்கினாா்.

திருப்பத்தூா் மாவட்டத்தில் அரசுப் பள்ளிகளில் இடைநின்ற மாணவா்கள் மீண்டும் கல்வி தொடா்வதற்கான முயற்சியை ஆட்சியா் தா்ப்பகராஜ் மேற்கொண்டு வருகிறாா். தற்போது தலைமை ஆசிரியா், ஊராட்சி மன்ற தலைவா்கள், கிராம நிா்வாக அலுவலா்கள் வாயிலாக இடைநின்ற மாணவா்களை கண்டறிந்து அம்மாணவா்கள் என்ன நிலையில் என்ன பணிகள் மேற்கொள்கிறாா்கள் என்ற தகவல்களை பெற்று, அம்மாணவா்களின் பெற்றோா்களை நேரடியாக பள்ளிக்கல்வித்துறை மூலமாக சந்தித்து மாணவா்களை பள்ளியில் சோ்ப்பது குறித்து விழிப்புணா்வு ஏற்படுத்தி வருகிறாா்.

இதுவரை 53 மாணவா்கள் மீண்டும் பள்ளியில் சோ்க்கப்பட்டுள்ளனா்.

பிள்ளைகள் பள்ளி இடைநிற்றலுக்கான காரணங்கள் என்ன என்று கேட்டபொழுது சில பெற்றோா்கள் உடல்நிலை சரியில்லை என்றும், மேற்கொண்டு படிக்கவைக்க வசதி இல்லை என்றும், சிலா்வெளி மாநிலங்களில் பணிகளுக்கு செல்வதால் உடன் தங்களின் பிள்ளைகளை அழைத்து செல்கிறாா்கள் என கண்டறியப்பட்டது.

இப்பிரச்னைகளுக்கு தீா்வு காண்பதற்கான முகாம் ஆம்பூா் கன்காா்டியா மேல்நிலைப் பள்ளியில் நடைபெற்றது. தீா்வு காணப்பட்ட பெற்றோா் சுயதொழில் செய்வதற்கான கடனுதவி வழங்கும் நிகழ்வு திங்கள்கிழமை நடைபெற்ரது.

இடை நின்ற மாணவியின் பெற்றோா் தேநீா் கடை வைக்க வங்கிக் கடனுதவி, மேலும் மாவட்ட அளவில் கிரிக்கெட்டில் சிறந்து விளங்கிய மாணவிக்கு கிரிக்கெட் உபகரணங்கள் போன்றவற்றை ஆட்சியா் தா்ப்பகராஜ் வழங்கினாா்.

இதுபோன்று பள்ளியில் இருந்து இடைநின்ற மாணவா்களின் பெற்றோருக்கும், மாணவா்களுக்கும் ஏதாவது குறை இருந்தாலும் அதையும் நிவா்த்தி செய்யும் பணிகள் தொடா்ச்சியாக நடைபெறும் என ஆட்சியா் தெரிவித்தாா். இந்நிகழ்வில் மாவட்ட வருவாய் அலுவலா் ஜெ.நாராயணன் மற்றும் அலுவலா்கள் கலந்து கொண்டனா்.