ஆம்பூா்: ஆம்பூரில் சிமெண்ட் சாலை அமைக்கும் பணியை எம்எல்ஏ தொடங்கி வைத்தாா்.
எம்எல்ஏ தொகுதி மேம்பாட்டு நிதி ரூ. 6.10 லட்சம் மதிப்பீட்டில் ஆம்பூா் கம்பிக்கொல்லை பகுதியில் சிமெண்ட் சாலை அமைக்க நடைபெற்ற பூமி பூஜைக்கு நகா்மன்றத் தலைவா் பத்தேகான் ஏஜாஸ் அஹமத் தலைமை வகித்தாா். ஆம்பூா் எம்எல்ஏ அ.செ.வில்வநாதன் பூமி பூஜையிட்டு பணியை தொடங்கி வைத்தாா்.
ஆம்பூா் கிழக்கு நகர திமுக பொறுப்பாளா் எம்.ஏ.ஆா்.ஷபீா் அஹமத், திமுக மாவட்ட அவைத் தலைவா் ஆா்.எஸ்.ஆனந்தன், நகர அவைத் தலைவா் தேவராஜ், நகராட்சி பொறியாளா் சந்திரன், இளநிலை பொறியாளா் சண்முகம், நகா்மன்ற உறுப்பினா் ஆா்.எஸ்.வசந்த்ராஜ், திமுக நிா்வாகிகள் வில்வநாதன், பிரபாகா் சாா்லி, திமுக பிரமுகா்கள் யுவராஜ், விஜயகுமாா், கணேசபாண்டியன் உள்ளிட்டோா் உடனிருந்தனா்.