திருத்தணி: கன்னிகாபுரம் கிராமத்தில் கொத்தடிமை தொழிலாளா்முறையை ஒழிப்பதற்கு தொழிலாளா்களை ஊக்குவிக்கும் வகையில் துணியில் அச்சிடும் தொழில் பிரிவு புதன்கிழமை தொடங்கப்பட்டது.

தமிழகத்தில் கொத்தடிமை தொழில் முறையை ஒழிக்கவும், கொத்தடிமை இல்லாத மாநிலமாக மாற்றுவதற்கும் அரசு பிப்ரவரி 9-ஆம் தேதி கொத்தடிமை முறை ஒழிப்பு நாளை அறிவித்தது. திருவள்ளூா் மாவட்டம், திருத்தணியில் உள்ள கன்னிகாபுரம் கிராமத்தில் ஒரு தனி அச்சிடும் தொழில் பிரிவு திறக்கப்பட்டது.

மீட்கப்பட்ட கொத்தடிமை தொழிலாளா்கள் மறுவாழ்வு சங்கத்தில் நடத்தப்படும் வா்ணம் தையல் குழுவைச் சோ்ந்த 6 நபா்கள் சில மாதங்களுக்கு முன் இந்த பயிற்சியைப் பெற்றனா். தொடா்ந்து, ஒரு துணி அச்சிடும் தொழிலைத் தொடங்கவும், மேற்பட்ட தொழிலாளா்களுக்கு பயிற்சி அளிக்கவும் ஒரு பிரிவு நிறுவப்பட்டது.

இதை திருத்தணி வட்டாட்சியா் ஜெயராணி கலந்துகொண்டு, பிளாக் மற்றும் அச்சிடும் பிரிவைத் திறந்து வைத்தாா். இதில் வருவாய் ஆய்வாளா் ஜெயராமன் உள்ளிட்டோா் கலந்து கொண்டனா். மீட்கப்பட்ட, பிணைக்கப்பட்ட தொழிலாளா்களை அவரது பங்கேற்புடன் ஊக்குவித்தாா். இதில் கிராமவாசிகள் கலந்து கொண்டனா்.

இந்த வாழ்வாதார திறனை கற்றுக் கொள்ள அவா்கள் விருப்பம் தெரிவித்தனா். இந்தத் தொகுதி அச்சிடும் மையம் பலருக்கு திறன் பயிற்சி பெறவும், மீட்கப்பட்ட கொத்தடிமைத் தொழிலாளா்களின் வாழ்வாதாரத்தை உயா்த்தவும் இது உதவும் எனத் தெரிவித்தனா்.