சட்டப் பேரவைத் தோ்தல்: தேமுதிக ஆலோசனைக் கூட்டம்

திருவள்ளூா் மேற்கு மாவட்ட தேமுதிக சாா்பில் சட்டப் பேரவைத் தோ்தல் ஆலோசனை கூட்டம் மற்றும் புதிய நிா்வாகிகள் அறிமுகக் கூட்டம் திருத்தணியில் ஞாயிற்றுக்கிழமை நடைபெற்றது.

மாவட்டச் செயலாளா் திருத்தணி டி.கிருஷ்ணமூா்த்தி தலைமை வகித்தாா். தொகுதி பொறுப்பாளா் சுரேஷ்பாபு, நகர செயலாளா் சீனிவாசன் ஆகியோா் வரவேற்றனா்.

சிறப்பு அழைப்பாளா்களாக தோ்தல் பணிக் குழு செயலாளா் மருத்துவா் சி.மகாலட்சுமி, மாவட்டத் தோ்தல் பொறுப்பாளா் கே.வி.பாலாஜி ஆகியோா் கலந்துக்கொண்டனா். பாமகவைச் சோ்ந்த சீனிவாசபுரம் ரமேஷ் தலைமையில் 100 போ் தங்களை தேமுதிகவில் இணைத்துக் கொண்டனா். தோ்தல் பணிகள் குறித்தும், புதிய உறுப்பினா்கள் சோ்க்கை தீவிரப்படுத்துவது, பூத் கமிட்டி வலுப்படுத்தி தோ்தல் பிரசாரம் மெற்கொள்வது குறித்து நிா்வாகிகள் பேசினா்.

கூட்டத்தில் தோ்தல் பணிகுழு செயலாளா் சி. மகாலட்சுமி பேசும்போது, ‘விரைவில் நடைபெற உள்ள சட்டப் பேரவைத் தோ்தல் தேமுதிகவை மையமாகக் கொண்டு நடைபெற உள்ளது. தேமுதிக இல்லாமல் எந்தக் கட்சியும் ஆட்சி அமைக்க முடியாது. திருத்தணி தொகுதியில் மீண்டும் வெற்றி பெற்று விஜயகாந்திடம் சமா்ப்பிப்போம்’ என்று தெரிவித்தாா்.

கூட்டத்தில் மாவட்ட நிா்வாகிகள் ஆயில் கே.சரவணன், அா்.சேகா் உள்ளிட்டோா் கலந்து கொண்டனா்.