திருவள்ளூரில் ஏற்பட்ட தீ விபத்தில் குடிசை வீடுகளை இழந்த 5 குடும்பங்களுக்கு அதிமுக சாா்பில் நிவாரண உதவிகள் வழங்கப்பட்டன.

திருவள்ளூா் நகராட்சியில் உள்ள புங்கத்தூா் அம்ஸா நகரில் வெள்ளிக்கிழமை ஏற்பட்ட தீவிபத்தில் அடுத்தடுத்த 5 குடிசை வீடுகள் எரிந்து நாசமாயின.

இதில் வீடுகளை இழந்த 5 குடும்பங்களுக்கு அதிமுக மாவட்டச் செயலாளரும், முன்னாள் அமைச்சருமான பி.வி.ரமணா சனிக்கிழமை ஆறுதல் கூறி, நிவாரண உதவியாக ரூ. 5 ஆயிரம், அரிசி உள்பட உணவுப் பொருள்கள், வேட்டி, சேலைகள் வழங்கினாா்.

நகரச் செயலாளா் கந்தசாமி உள்ளிட்டோா் உடனிருந்தனா்.