திருவள்ளூா் அருகே செங்கல் சூளை உரிமையாளா்கள் மற்றும் கட்டுமான தொழில் ஒப்பந்ததாரா்களிடம் மாமூல் கேட்டு மிரட்டியதாக 7 போ் கைது செய்யப்பட்டனா்.

திருவள்ளூா் அருகே வெள்ளவேடு காவல் நிலைய எல்லைக்குட்பட்ட பகுதிகளில் செங்கல் சூளைகள், கட்டுமான தொழிலில் ஈடுபடும் ஒப்பந்ததாரா்களிடம் மாமூல் கேட்டு மா்ம நபா்கள் மிரட்டியதாக பூந்தமல்லி சரக காவல் உதவி ஆணையா் ஜவகரிடம் தொடா்ந்து புகாா் வந்தது.

இது தொடா்பாக போலீஸாா் தீவிர விசாரணை மேற்கொண்டதில், மேல்மனம்பேடு கிராமத்தைச் சோ்ந்த ரௌடி மனோகரன் மகன் ராஜேஷ் (32), சுகுமாா் மகன் விஷ்வா (23) மற்றும் இவா்களது கூட்டாளிகளுக்கும் தொடா்பு இருப்பது தெரியவந்தது. மேலும், இதில் ராஜேஷ் மீது 4 கொலை மற்றும் முயற்சி வழக்கு, ஆள் கடத்தல், கூட்டுக் கொள்ளை, பணம் கேட்டு மிரட்டல் என ஆகிய 10 வழக்குகள் வரையில் நிலுவையில் உள்ளன.

இதேபோல் கூட்டாளி விஷ்வா மீதும் 6 வழக்குகள் நிலுவையில் இருப்பது தெரிய வந்தது. இதையடுத்து ராஜேஷ், விஷ்வாவை தனிப்படை அமைத்து தேடி வந்தனா். இந்த நிலையில், ராஜேஷின் கூட்டாளிகள் 5 போ் செவ்வாப்பேட்டை அடுத்த அயத்தூரில் பதுங்கியுள்ளதும் தெரியவந்தது.

இது தொடா்பாக காவல் உதவி ஆணையா் ஜவகா் தலைமையில் தனிப்படை அமைத்து ராஜேஷ் மற்றும் விஷ்வாவை புதன்கிழமை கைது செய்தனா். அதைத்தொடா்ந்து இருவரையும் பூந்தமல்லி நீதிமன்றத்தில் ஆஜாா்படுத்தி புழல் மத்திய சிறையில் அடைத்தனா். அதேபோல் அயத்தூரில் பதுங்கியிருந்த மேல்மனம்பேடு கிராமத்தைச் சோ்ந்த கணேசன், நவீன், சசிதரன், வெள்ளவேட்டைச் சோ்ந்த காா்த்திக் , காவல்சேரி பகுதியைச் சோ்ந்த மணிகண்டன் ஆகியோரை வியாழக்கிழமை செவ்வாப்பேட்டை போலீஸாா் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.