திருத்தணி முருகன் கோயிலில் கந்த சஷ்டி விழா சனிக்கிழமை தொடங்கியதைத் தொடா்ந்து நீண்ட வரிசையில் பக்தா்கள் சுமாா் 4 மணி நேரம் காத்திருந்து சுவாமியை வழிபட்டனா்.

அறுபடை வீடுகளில் 5 ஆம் படை வீடாக திகழும் திருத்தணி முருகன் கோயிலில் ஆண்டுதோறும் தீபாவளி நோன்பு மறுநாள் முதல் கந்த சஷ்டி விழா நடைபெறுகிறது வழக்கம். அந்த வகையில், நிகழாண்டு கந்த சஷ்டி விழா சனிக்கிழமை காலை தொடங்கியது. இதையொட்டி அதிகாலை 5 மணிக்கு மூலவருக்கு சிறப்பு அபிஷேகம், தீபாராதனை நடந்தது.

விழாவையொட்டி காலை 7 மணிக்கு சண்முகா் காவடி மண்டபத்தில் எழுந்தருளினாா். பின்னா், சுவாமிக்கு பால், தயிா், பன்னீா், இளநீா், பழங்களால் அபிஷேகம், சிறப்பு அலங்காரம் செய்யப்பட்டடு தீபாராதனை நடைபெற்றது. பின்னா், கோயில் அறங்காவலா் குழுத் தலைவா் ஸ்ரீதரன், இணை ஆணையா் ரமணி, அறங்காவலா்கள் உஷாரவி, மோகனன், சுரேஷ்பாபு, மு.நாகன் ஆகியோா் பங்கேற்று லட்சாா்ச்சனையைத் தொடங்கி வைத்தனா்.

பின்னா், லட்சாா்ச்சனைக்கு கட்டணம் செலுத்திய பக்தா்கள் மட்டும் காவடி மண்டபத்திற்குள் அனுமதிக்கப்பட்டு உற்சவருக்கு லட்சாா்ச்சனை நடத்தப்பட்டது. மீதமுள்ள பக்தா்கள் காவடி மண்டபத்தில் அமா்ந்து லட்சாா்ச்சனை காண ஏற்பாடு செய்யப்பட்டிருந்தது.

கந்த சஷ்டி விழாவையொட்டி முருகன் கோயிலில் சுவாமியை தரிசனம் செய்ய சுமாா் 4 மணி நேரம் நீண்ட வரிசையில் பக்தா்கள் காத்திருந்து வழிபட்டனா். திங்கள்கிழமை (நவ. 4) மூலவருக்கு பட்டு வஸ்திரம் அலங்காரமும், தங்கக் கவசம், 5-ஆம் தேதி திருவாபரணம், 6-ஆம் தேதி மூலவருக்கு வெள்ளிக் கவச அலங்காரம், 7-ஆம் தேதி காலை சந்தனக் காப்பு போன்ற அலங்காரம் மற்றும் தீபாராதனை நடைபெறுகிறது. மாலை 5 மணிக்குமேல் காவடி மண்டபத்தில் உற்சவா் சண்முக பெருமானுக்கு புஷ்பாஞ்சலியும், 8-ஆம் தேதி வெள்ளிக்கிழமை காலை 10 மணிக்கு உற்சவா் முருகப் பெருமானுக்கு திருக்கல்யாண வைபவமும் நடக்கிறது.

வரும் 7-ஆம் தேதி திருத்தணி முருகன் கோயிலில் புஷ்பாஞ்சலி: பொதுவாக 7-ஆம் தேதி வியாழக்கிழமை அறுபடை வீடுகளில் ஐந்து படை முருகன் கோயில்களில் சூரசம்ஹாரம் நடைபெறும். ஆனால், திருத்தணி படை வீடு கோயிலில் முருகப் பெருமான் சினம் தணிந்த இடம் என்பதால், சூரசம்ஹாரத்துக்குப் பதிலாக புஷ்பாஞ்சலி நடைபெறும் என்பது குறிப்பிடத்தக்கது.

முருகன் கோயில் கந்த சஷ்டி விழாவையொட்டி, மலைக்கோயிலில் கடும் போக்குவரத்து நெரிசல் ஏற்பட்டது.