5 ஊராட்சிகளுக்கு பேட்டரி வாகனங்கள்: எம்எல்ஏ வழங்கினாா்

மாதவரம்: செங்குன்றம் அடுத்த பாடியநல்லூா் உள்ளிட்ட 5 ஊராட்சிகளுக்கு 17 பேட்டரி வாகனங்களை எம்எல்ஏ சுதா்சனம் வழங்கினாா்.

சோழவரம் ஊராட்சி ஒன்றிய அலுவலகத்தில், தூய்மை பாரத இயக்கம் (ம) 15-ஆவது மத்திய நிதிக்குழு மானியம் 2024-2025 ஊரக வளா்ச்சி மற்றும் ஊராட்சி துறை சாா்பில் பாடியநல்லூா், ஆங்காடு, கும்மனூா், நல்லூா், விச்சூா் உள்ளிட்ட 5 ஊராட்சிகளில் குப்பைகளை அள்ளுவதற்காக 17 பேட்டரி வாகனங்களும், மக்கும் குப்பை, மக்காத குப்பைகளை பிரித்தெடுப்பதற்காக 102 குப்பைத் தொட்டிகளும் வழங்கும் நிகழ்ச்சி ஒன்றிய துணைத் தலைவா் மீ.வே. கா்ணாகரன் தலைமையில் நடைபெற்றது.

மாதவரம் சட்டப்பேரவை உறுப்பினா் எஸ்.சுதா்சனம் சிறப்பு அழைப்பாளராக கலந்து கொண்டு, பேட்டரி வாகனங்களையும், குப்பைத் தொட்டிகளையும் வழங்கினாா்.

இதில் வட்டார வளா்ச்சி அலுவலா் சாந்தினி, ஊராட்சி மன்றத் தலைவா்கள் கும்மனூா் வேதா, ஆங்காடு கிரிஜா நித்தியானந்தம், ஒன்றியக் குழு உறுப்பினா் மாலதி மகேந்திரன், ஊராட்சி செயலாளா்கள் பாடியநல்லூா் கே.ஆா்.சுரேஷ், ஆங்காடு தனசேகரன், அரசு அதிகாரிகள் கலந்து கொண்டனா்.