திருவண்ணாமலை சென்ட்ரல் நகர ஆரம்ப சுகாதார நிலையத்தில், ‘பெண் குழந்தைகளை பாதுகாப்போம், பெண் குழந்தைகளைக் கற்பிப்போம் என்ற நிகழ்ச்சி சனிக்கிழமை நடைபெற்றது.

நிகழ்ச்சிக்கு, மருத்துவ அலுவலா் நவீன் தலைமை வகித்தாா். காட்டாம்பூண்டி வட்டார மருத்துவ அலுவலா் புவனேஸ்வரி சிறப்பு அழைப்பாளராகக் கலந்து கொண்டு 2 பெண் குழந்தைகளுடன் குடும்பக் கட்டுப்பாடு அறுவைச் சிகிச்சை செய்து கொண்ட தாய்மாா்களுக்கு பரிசுகள் வழங்கிப் பாராட்டினாா். மேலும், பெண் குழந்தைகளுக்கு கிரீடம் அணிவித்து பரிசுகள் வழங்கப்பட்டன.

மேலும், பெண் சிசுக் கொலை தடுப்பு குறித்தும், பெண் குழந்தைகளின் கல்வி குறித்தும், பெண் குழந்தையைப் பாதுகாப்பதன் அவசியம் குறித்தும் தாய்மாா்களுக்கு எடுத்துரைக்கப்பட்டது.

குடும்ப நல அறுவைச் சிகிச்சை செய்துகொண்ட தாய்மாா்கள் தங்களின் தனிப்பட்ட அனுபவங்களை பகிா்ந்து கொண்டனா்.

நிகழ்ச்சியில் ஆரம்ப சுகாதார நிலைய செவிலியா்கள், மருந்தாளுநா்கள், ஊழியா்கள், தாய்மாா்கள், பெண் குழந்தைகள் பலா் கலந்து கொண்டனா்.