பட்டியலின கிறிஸ்தவா்களை எஸ்.சி. பட்டியலில்சோ்க்க வலியுறுத்தி ஆா்ப்பாட்டம்

பட்டியலின கிறிஸ்தவா்களை எஸ்.சி. பட்டியலில் சோ்க்க வலியுறுத்தி, திருவண்ணாமலை மாவட்டம், சேத்துப்பட்டை அடுத்த பத்தியாவரம் கிராமத்தில் கருப்புப் பட்டை அணிந்து கிறிஸ்தவா்கள் திங்கள்கிழமை ஆா்ப்பாட்டத்தில் ஈடுபட்டனா்.

கத்தோலிக்க கிறிஸ்தவா்களின் வேலூா் மறைமாவட்டம், பத்தியாவரம் பங்கு பேரவை சாா்பில், அந்தகி கிராமத்திலுள்ள நியாயவிலைக் கடை அருகே நடைபெற்ற இந்த ஆா்ப்பாட்டத்துக்கு, எஸ்.சி., எஸ்.டி. களப்பணியாளா் விமலா வசீகரன் தலைமை வகித்தாா்.

கடந்த 70 ஆண்டுகாலமாக பட்டியலின கிறிஸ்தவா்கபட்டியலின கிறிஸ்தவா்களை எஸ்.சி. பட்டியலில் சோ்க்க வலியுறுத்தி, திருவண்ணாமலை மாவட்டம் பத்தியாவரம் கிராமத்தில் கருப்புப் பட்டை அணிந்து கிறிஸ்தவா்கள் ஆா்ப்பாட்டத்தில் ஈடுபட்டனா்.ளை மத்திய, மாநில அரசுகள் வஞ்சித்து வருகின்றன. ஒவ்வோா் ஆண்டும் ஆகஸ்ட் 10-ஆம் தேதியை கருப்பு தினமாக அறிவித்து போராட்டம் நடத்தியும் எங்களை எஸ்.சி. பட்டியலில் சோ்க்க அரசு நடவடிக்கை எடுக்கவில்லை. இனிவரும் காலங்களில் நாடாளுமன்ற, சட்டப் பேரவைத் தோ்தல்களில் எங்கள் எதிா்ப்பைத் தெரிவிப்போம் என ஆா்ப்பாட்டத்தில் முழக்கங்களை எழுப்பினா்.

இதில், எஸ்.சி., எஸ்.டி. தலித் விடுதலை இயக்கத்தின் மாநிலத் தலைவா் அன்புதாஸ் மற்றும் விடுதலைச் சிறுத்தைகள் கட்சியின் மாநில, ஒன்றிய, கிளை நிா்வாகிகள் உள்பட பலா் கலந்து கொண்டனா்.