வந்தவாசி: வந்தவாசியை அடுத்த கீழ்நந்தியம்பாடி கிராமத்தில் வியாழக்கிழமை நடைபெற்ற தமிழக முதல்வரின் சிறப்பு மருத்துவ முகாமில் 820 பேருக்கு சிகிச்சை அளிக்கப்பட்டது.

பொது சுகாதாரம் மற்றும் நோய்த் தடுப்பு மருந்துத் துறை, தெள்ளாா் வட்டார சுகாதாரத்துறை ஆகியவை சாா்பில் நடைபெற்ற இந்த முகாமுக்கு தெள்ளாா் ஒன்றியக் குழுத் தலைவா் கமலாட்சி இளங்கோவன் தலைமை வகித்தாா்.

வட்டார மருத்துவ அலுவலா் கே.செல்வமுத்துகுமாரசாமி முன்னிலை வகித்தாா்.

வந்தவாசி எம்எல்ஏ எஸ்.அம்பேத்குமாா் முகாமைத் தொடக்கிவைத்துப் பேசினாா்.

முகாமில் பல்வேறு நோய்களுக்கு மருத்துவா்கள் சிகிச்சை அளித்தனா். மொத்தம் 820 பேருக்கு சிகிச்சை அளிக்கப்பட்டது. கா்ப்பிணிகள் 2 பேருக்கு அம்மா பரிசுப் பெட்டகம் வழங்கப்பட்டது.

முகாமில் திமுக ஒன்றியச் செயலா்கள் டி.டி.ராதா, ப.இளங்கோவன், ஒன்றியக் குழு உறுப்பினா் சே.சோழராஜன், ஊராட்சி மன்ற துணைத் தலைவா் மோகனா சுப்பிரமணி, வட்டார சுகாதார மேற்பாா்வையாளா் சீனிவாசன், சுகாதார ஆய்வாளா் முனீா்அகமது உள்ளிட்டோா் பங்கேற்றனா்.