இந்திய யூனியன் முஸ்லிம் லீக் ஆலோசனைக் கூட்டம்

திருவண்ணாமலை வடக்கு மாவட்ட இந்திய யூனியன் முஸ்லிம் லீக் சாா்பில் ஆலோசனைக் கூட்டம் வந்தவாசியில் ஞாயிற்றுக்கிழமை நடைபெற்றது.

கூட்டத்துக்கு, திருவண்ணாமலை வடக்கு மாவட்ட அமைப்பாளா் டி.எம்.பீா்முகமது தலைமை வகித்தாா். டி.கே.ஏ.அப்துல்காதா், பி.ஹாஜாமொய்தீன், எஸ்.எம்.எச்.ஜாகிா்உசேன் உள்ளிட்டோா் முன்னிலை வகித்தனா். திருவண்ணாமலை தெற்கு மாவட்டச் செயலா் இ.முகமதுஅலி சிறப்புரையாற்றினாா்.

வருகிற நவ.7-ஆம் தேதி வந்தவாசியில் நடைபெறவுள்ள மாவட்ட பொதுக்குழுக் கூட்ட நடவடிக்கைகள் குறித்து இந்தக் கூட்டத்தில் ஆலோசிக்கப்பட்டது.

இதில், கட்சியின் நிா்வாகிகள் ஏ.அனிபா, அப்துல்சத்தாா், எம்.காதா்ஒலி, ஏ.எம்.எஸ்.அபிபுல்லா, ஜே.மன்சூா்அலி உள்ளிட்டோா் பங்கேற்றனா்.