திருவண்ணாமலை: திருவண்ணாமலையை அடுத்த நல்லவன்பாளையம் கிராமம், குளத்து மேட்டுத் தெருவில் அமைந்துள்ள ஸ்ரீமுத்துமாரியம்மன் கோயில் மகா கும்பாபிஷேகம் திங்கள்கிழமை நடைபெற்றது.
பழைமையான இந்தக் கோயிலுக்கு பல லட்சம் ரூபாய் செலவில் திருப்பணிகள் செய்து முடிக்கப்பட்டன. இதையடுத்து, ஞாயிற்றுக்கிழமை கும்பாபிஷேகத்துக்கான பூஜைகள் தொடங்கின. ஞாயிற்றுக்கிழமை காலை 9 மணிக்கு விக்னேஸ்வர பூஜை, ஸ்ரீகணபதி ஹோமம், வாஸ்து சாந்தி, பிரவேச பலி, தீபாராதனை, பிரசாதம் வழங்குதல் உள்ளிட்ட நிகழ்ச்சிகள் நடைபெற்றன.
மாலை 6 மணிக்கு விக்னேஷ்வர பூஜை, யாக சாலை பிரவேசம், இரண்டாம் கால யாக சாலை பூஜை, இரவு 7 மணிக்கு தம்பதியா் பூஜை, 8 மணிக்கு விக்கிரகங்களுக்கு யந்திரம் சாற்றுதல், அஷ்டபந்தனம் சாற்றுதல் உள்ளிட்ட நிகழ்ச்சிகள் நடைபெற்றன.
திங்கள்கிழமை அதிகாலை 5 மணிக்கு தம்பதியா் பூஜை, 6.30 மணிக்கு மூன்றாம் கால யாக சாலை பூஜை, பூா்ணாஹுதி, கடம் புறப்பாடு, அஷ்டபந்தன மகா கும்பாபிஷேகம், மகா அபிஷேகம், மகா தீபாராதனை உள்ளிட்ட நிகழ்ச்சிகள் நடைபெற்றன.
விழாவில் கோயில் நிா்வாகிகள், விழாக் குழுவினா், ஊா் மக்கள், வார வழிபாட்டு மன்ற நிா்வாகிகள் சமூக இடைவெளியைக் கடைப்பிடித்து கலந்து கொண்டனா்.