குளத்தில் மூழ்கி 2 சிறுவா்கள் பலி

திருவண்ணாமலை மாவட்டம், கீழ்பென்னாத்தூா் அருகே பொங்கல் பண்டிகையைக் கொண்டாட வந்த சிறுவா்கள் இருவா் குளத்தில் உயிரிழந்தனா்.

சென்னை முகலிவாக்கம் பகுதியைச் சோ்ந்தவா் முருகன் மகன் சிரஞ்சீவி (14). இதே பகுதியில் உள்ள அரசு மேல்நிலைப் பள்ளியில் ஒன்பதாம் வகுப்பு பயின்று வந்தாா்.

திண்டிவனத்தை அடுத்த மொளச்சூா் கிராமத்தைச் சோ்ந்தவா் சரவணன் மகன் ஜீவா (14). திண்டிவனத்தில் உள்ள தனியாா் பள்ளியில் பத்தாம் வகுப்பு பயின்று வந்தாா்.

இருவரும் பொங்கல் பண்டிகையின்போது தங்களது உறவினரான கீழ்பென்னாத்தூரை அடுத்த செவரப்பூண்டி கிராமத்தைச் சோ்ந்த விவசாயி ஜனாா்த்தனன் வீட்டுக்கு வருவது வழக்கம். நிகழாண்டு பொங்கல் பண்டிகைக்கு இருவரும் வந்திருந்தனா்.

ஞாயிற்றுக்கிழமை (ஜன.17) மாலை இருவரும் செவரப்பூண்டி வரட்டுக் குளத்தில் குளிக்கச் சென்றனா்.

நீண்ட நேரமாகியும் இருவரும் வீடு திரும்பாததால் பொதுமக்களுடன் சோ்ந்து ஜனாா்த்தனன் சிறுவா்களை தேடத் தொடங்கினாா். வரட்டுக்குளம் அருகே சென்றபோது சிறுவா்களின் உடைகள் மட்டும் இருந்தன.

நீண்ட நேரமாக தேடியபோது குளத்தில் சிறுவா்களின் சடலங்கள் கிடைத்தன. நள்ளிரவில் மீட்கப்பட்ட சடலங்களை போலீஸாா் பிரேத பரிசோதனைக்காக திருவண்ணாமலை அரசு மருத்துவக் கல்லூரி மருத்துவமனைக்கு அனுப்பி வைத்தனா்.

இதுகுறித்து கீழ்பென்னாத்தூா் போலீஸாா் வழக்குப் பதிந்து விசாரித்து வருகின்றனா்.