ஆரணி அருகே வீட்டின் சுவா் இடிந்து விழுந்ததில் மூதாட்டி பலியானாா்.

ஆரணியை அடுத்த முள்ளிப்பட்டு கிராமத்தைச் சோ்ந்த துரைசாமி மனைவி ஜெகதாம்பாள் (94).

இவா், கணவா் இறந்த நிலையில் தனியாக மிகவும் பழைமையான ஓட்டு வீட்டில் வசித்து வந்தாா்.

ஆரணியில் தொடா்ந்து மழை பெய்து வரும் நிலையில், சனிக்கிழமை இரவு பெய்த மழையில் இவரது வீட்டின் சுவா் இடிந்தது. இதில், சிக்கி ஜெகதாம்பாள் உயிரிழந்தாா்.

இதுகுறித்து முள்ளிப்பட்டு வட்டாட்சியா் செந்தில்குமாா், கிராம நிா்வாக அலுவலா் முனியாண்டி ஆகியோருக்கு தகவல் தந்ததின் பேரில், அவா்கள் சுவா் இடிந்து விழுந்தது குறித்து விசாரணை நடத்தினா்.

மேலும், ஆரணி நகர போலீஸாா் வழக்குப் பதிவு செய்து விசாரணை செய்து வருகின்றனா்.