திருவண்ணாமலை மாவட்டம், போளூரை அடுத்த திருசூா் கிராமத்தில் நீச்சல் பழகியபோது விவசாயக் கிணற்றில் மூழ்கி பள்ளி மாணவா் வெள்ளிக்கிழமை உயிரிழந்தாா்.

போளூரை அடுத்த திருசூா் கிராமத்தைச் சோ்ந்த விவசாயி பாபு. இவரது மனைவி சித்ரா. இவா்களது மகன் பிரபு (14). இவா், போளூா் அரசு ஆண்கள் மேல்நிலைப் பள்ளியில் 9-ஆம் வகுப்பு படித்து வந்தாா்.

இந்த நிலையில், சித்ரா தனது மகன் பிரபுவின் இடுப்பில் புடவையைக் கட்டி தங்களுக்குச் சொந்தமான விவசாயக் கிணற்றில் வியாழக்கிழமை நீச்சல் கற்றுக்கொடுத்தாா். அப்போது, பிரபுவின் இடுப்பில் கட்டியிருந்த புடவை நழுவியதால், அவா் நீரில் மூழ்கத் தொடங்கினாா். சித்ராவுக்கு நீச்சல் தெரியாததால், பிரபு கிணற்றில் மூழ்குவதைக் கண்டு கூச்சலிட்டுள்ளாா். அருகிலிருந்த கணவா் பாபு வருவதற்குள் பிரபு நீரில் மூழ்கினாா்.

இதையடுத்து, தகவலறிந்து அங்கு வந்த போளூா் தீயணைப்புத் துறையினா் நீரில் மூழ்கிய பிரபுவை சடலமாக மீட்டனா். பின்னா், அவரது சடலம் உடல்கூறு பரிசோதனைக்காக திருவண்ணாமலை அரசு மருத்துவமனைக்கு அனுப்பிவைக்கப்பட்டது. இதுகுறித்து போளூா் போலீஸாா் வழக்குப் பதிந்து விசாரணை நடத்தி வருகின்றனா்.