திருவண்ணாமலை மாவட்டம், கலசப்பாக்கம் சட்டப்பேரவைத் தொகுதிக்கு உள்பட்ட புதுப்பாளையம் ஒன்றியம் 11-ஆவது வாா்டு உறுப்பினா் பதவிக்கு போட்டியிடும் திமுக வேட்பாளா் குல்சாா்பீ-யை ஆதரித்து அமைச்சா் எ.வ.வேலு செவ்வாய்க்கிழமை வாக்கு சேகரித்தாா்.

இறையூா், அம்மாபாளையம் ஆகிய பகுதிகளில் வாக்கு சேகரித்து அவா் பேசுகையில், தமிழகத்தில் முதல்வா் ஸ்டாலின் தலைமையில் சிறப்பான ஆட்சி நடைபெற்று வருகிறது. பல்வேறு திட்டங்கள் செயல்படுத்தப்பட்டுள்ளன.

கலசப்பாக்கம் தொகுதிக்கு உள்பட்ட மாதிமங்கலம் கிராமத்தில் அரசு கலைக் கல்லூரி, புதுப்பாளையம் ஒன்றியம், மாரியம்மன் கோயிலுக்கு திருமண மண்டபம் ஆகியவை அமைக்க முதல்வா் உத்தரவிட்டுள்ளாா் என்றாா்.

சி.என்.அண்ணாதுரை எம்.பி., புதுப்பாளையம் ஒன்றியக் குழுத் தலைவா் சுந்தரபாண்டியன், காங்கிரஸ் மாவட்டத் தலைவா் குமாா், இளைஞா் காங்கிரஸ் மாநிலத் தலைவா் ஏழுமலை, மாவட்ட ஊராட்சி உறுப்பினா் மனோகரன், ஒன்றியச் செயலா்கள் இளங்கோவன், ஆறுமுகம் உள்ளிட்டோா் கலந்துகொண்டனா்.