அடகுக் கடை சுவரை துளையிட்டு 65 பவுன் தங்க நகைகள் திருட்டு

திருவண்ணாமலை மாவட்டம், வந்தவாசியை அடுத்த தெள்ளாரில் அடகுக் கடை சுவரை துளையிட்டு 65 பவுன் தங்க நகைகள், ரூ.3 லட்சம் ரொக்கம், 3 கிலோ வெள்ளிப் பொருள்களை மா்ம நபா்கள் திருடிச் சென்றனா்.

தெள்ளாரை அடுத்துள்ள அஸ்தினாபுரம் கிராமத்தைச் சோ்ந்தவா் சரவணன். இவா், தெள்ளாா் ஊராட்சி ஒன்றிய அலுவலகத்தை ஒட்டியுள்ள வணிக வளாகத்தில் அடகுக் கடை வைத்துள்ளாா்.

இவரது கடையின் அருகே அகரகொரக்கோட்டை கிராமத்தைச் சோ்ந்த குலாப் இரு சக்கர வாகன பழுது நீக்கும் கடை நடத்தி வருகிறாா். இருவரும் புதன்கிழமை இரவு வழக்கம்போல கடைகளைப் பூட்டிச் சென்றனா்.

இந்த நிலையில், வியாழக்கிழமை அதிகாலை குலாப் கடையின் பூட்டு உடைக்கப்பட்டிருப்பதைக் கண்ட பொதுமக்கள் இதுகுறித்து தெள்ளாா் போலீஸாருக்கு தகவல் தெரிவித்தனா்.

போலீஸாா் அங்கு சென்று கடையைத் திறந்து பாா்த்தபோது, அந்தக் கடைக்கும் அடகுக் கடைக்கும் பொதுவான சுவரில் துளையிட்டிருப்பது தெரிய வந்தது.

அடகுக் கடை உரிமையாளா் சரவணனை போலீஸாா் வரவழைத்து அவரது கடையைத் திறந்து சோதனையிட்டனா். இதில், துளையிட்ட சுவா் வழியாக அடகுக் கடையின் உள்ளே மா்ம நபா்கள் நுழைந்து 65 பவுன் தங்க நகைகள், ரூ.3 லட்சம் ரொக்கம், 3 கிலோ வெள்ளிப் பொருள்கள் உள்ளிட்டவற்றை திருடிச் சென்றது தெரிய வந்தது.

மேலும், கடையிலிருந்த கண்காணிப்பு கேமராக்களை சேதப்படுத்திவிட்டு, காட்சிகள் பதிவாகும் ஹாா்ட் டிஸ்க்கை மா்ம நபா்கள் எடுத்துச் சென்றதும் தெரிய வந்தது.

மேலும், இந்தக் கடைகளின் அருகில் உள்ள செல்வம் என்பவரது வீட்டிலும் மா்ம நபா்கள் கொள்ளையடிக்க முயன்றனா். வீட்டின் வெளியே கொள்ளையா்கள் இருப்பதை அங்கு பொருத்தப்பட்டிருந்த கண்காணிப்பு கேமரா மூலம் அறிந்த செல்வம், வீட்டினுள் இருந்தபடியே உறவினா்களுக்கு தகவல் அளித்து வரவழைத்ததை அடுத்து அந்தக் கொள்ளைக் கும்பல் தப்பிவிட்டது. கண்காணிப்பு கேமராவில் 5 பேரின் உருவங்கள் பதிவாகியிருந்தன.

டிஎஸ்பி விஸ்வேஸ்வரய்யா சம்பவ இடத்துக்குச் சென்று விசாரணை மேற்கொண்டாா். தடயவியல் நிபுணா் சுந்தர்ராஜன் கடையில் பதிவாகியிருந்த தடயங்களைச் சேகரித்தாா். மோப்ப நாய் வரவழைக்கப்பட்டு சோதனை மேற்கொள்ளப்பட்டது. மாவட்ட எஸ்.பி.பவன்குமாா் ரெட்டி சம்பவ இடத்துக்கு நேரில் சென்று விசாரணை நடத்தினாா்.

இதுகுறித்து வழக்குப் பதிந்த தெள்ளாா் போலீஸாா் 4 தனிப் படைகளை அமைத்து, கொள்ளையா்களைத் தேடி வருகின்றனா்.