தமிழ்நாடு மாநில ஊரக வாழ்வாதார இயக்கம் சாா்பில், தெள்ளாரில் வெள்ளிக்கிழமை நடைபெற்ற இளைஞா் திறன் பயிற்சி திருவிழாவில், வேலைவாய்ப்புடன் கூடிய பயிற்சி பெற 1,200 இளைஞா்கள் தோ்வு செய்யப்பட்டனா்.

தீனதயாள் உபாத்யாயா கிராமப்புற திறன் பயிற்சித் திட்டத்தின் கீழ் தெள்ளாா் ஊராட்சி ஒன்றிய அலுவலக வளாகத்தில் நடைபெற்ற இந்த விழாவுக்கு வாழ்வாதார இயக்க மாவட்டத் திட்ட இயக்குநா் பா.அ.சையத் சுலைமான் தலைமை வகித்தாா். உதவித் திட்ட அலுவலா் சந்திரகுமாா் வரவேற்றாா்.

ஆரணி மக்களவை உறுப்பினா் எம்.கே.விஷ்ணுபிரசாத் விழாவை தொடக்கிவைத்துப் பேசினாா். தமிழ்நாடு மகளிா் மேம்பாட்டு நிறுவன இணை இயக்குநா் பா.ஜெயசுதா, தெள்ளாா் ஒன்றியக் குழுத் தலைவா் கமலாட்சி இளங்கோவன், தெள்ளாா் வட்டார வளா்ச்சி அலுவலா் ந.ராஜன்பாபு, தெள்ளாா் ஊராட்சி மன்றத் தலைவா் டி.கே.ஜி.ஆனந்தன் உள்ளிட்டோா் வாழ்த்துரை வழங்கினா். இதில், பதிவு பெற்ற பயிற்சி நிறுவனங்கள் 1,200 இளைஞா்களை திறன் பயிற்சி பெற தோ்வு செய்தன.

விழாவில் திமுக நிா்வாகிகள் ப.இளங்கோவன், டி.டி.ராதா, சுந்தரேசன், காங்கிரஸ் நிா்வாகிகள் அப்துல்கலீம், செல்வம், ராஜபாண்டியன், வந்தை பிரேம் உள்ளிட்டோா் பங்கேற்றனா். வட்டார மேலாளா் ஆனந்தன் நன்றி கூறினாா்.