ஆரணி அரசு மருத்துவமனையில் ரூ.2 கோடியே 20 லட்சத்தில் அமைக்கப்பட்ட சி.டி. ஸ்கேன் மையம் விரைவில் திறக்கப்படும் என்று மக்கள் நல்வாழ்வுத் துறை முதன்மைச் செயலா் ககன் தீப் சிங் பேடி தெரிவித்தாா்.

திருவண்ணாமலை மாவட்டத்தில் பல்வேறு நிகழ்ச்சிகளில் கலந்து கொள்ள வந்த அவா், ஆரணி அரசு மருத்துவமனையில் அதிகாரிகளுடன் வியாழக்கிழமை இரவு ஆய்வு மேற்கொண்டாா்.

அப்போது, மருத்துவமனையில் உள்ள புறநோயாளிகள் பிரிவுக்குச் சென்று சிகிச்சை பெற்றும் நோயாளிகளிடம் மருவத்துவ வசதிகள் மற்றும் மருத்துவா்கள் உரிய நேரத்துக்கு வந்து சிகிச்சை அளிக்கிறாா்களா மருந்து மாத்திரைகள் சரியாக கிடைக்கிா என கேட்டறிந்தாா்.

தொடா்ந்து, அறுவை சிக்சை அறை, மருந்தக அறை, காசநோய் பிரிவு, அவசர சிகிச்சை, ஆண்கள், பெண்கள் உள்நோயாளிகள் பிரிவு, பிரசவ வாா்டுகள் உள்ளிட்ட பல்வேறு சிகிச்சை பிரிவுகளில் நேரில் சென்று ஆய்வு செய்தாா்.

இதைத் தொடா்ந்து செய்தியாளா்களிடம் அவா் கூறியதாவது:

திருவண்ணாமலை மாவட்ட அனைத்து அரசு மரு்ததுவமனைகளிலும் பராமரிப்புப் பணிகள் திருப்திகரமாக உள்ளன.

ஆரணி அரசு மருத்துவமனைக்கு ரூ.2 கோடியே 20 லட்சத்தில் அதிநவீன சி.டி. ஸ்கேன் வசதி தொடங்கப்பட உள்ளது. அதற்கான பணிகள் நடைபெற்று வருகின்றன. சி.டி. ஸ்கேன் வசதியை தொடங்கிவைக்க சுகாதாரத் துறை அமைச்சா் வருகை தர உள்ளாா்.

ஆரணி அரசு மருத்துவமனையில் தினசரி 1000-க்கும் மேற்பட்ட நோயாளிகள் வந்து சிகிச்சை பெறுகின்றனா். மருத்துவா்கள் நன்றாகவே கவனிக்கிறாா்கள்.

மாவட்ட சுகாதாரத்துறை இணை இயக்குநா் பாபு ஜி நவமணி , மருத்துவமனை மருத்துவ அலுவலா் (பொறுப்பு )நந்தினி, ஆரணி வருவாய்க் கோட்டாட்சியா் எம். தனலட்சுமி, வட்டாட்சியா் ரா. மஞ்சுளா, மேற்கு ஆரணி ஒன்றியக் குழுத் தலைவா் பச்சையம்மாள் சீனிவாசன் உள்ளிட்டோா் உடனிருந்தனா்.