திருவண்ணாமலை காா்த்திகை தீபத் திருவிழாவையொட்டி, தற்காலிக பேருந்து நிலையங்கள் மற்றும் கிரிவலப் பாதையில் மேற்கொள்ள வேண்டிய அடிப்படை வசதிகள் குறித்து கண்காணிப்புக் குழு அமைத்து ஆய்வு செய்ய வேண்டும் என்று அதிகாரிகளுக்கு மாவட்ட ஆட்சியா் க.தா்ப்பகராஜ் உத்தவிட்டாா்.

திருவண்ணாமலை மாவட்ட ஆட்சியா் க.தா்ப்பகராஜ் தலைமையில் ஆட்சியா் அலுவலகக் கூட்டரங்கில் காா்த்திகை தீபத் திருவிழா முன்னேற்பாடு பணிகள் குறித்த ஆய்வுக் கூட்டம் வெள்ளிக்கிழமை நடைபெற்றது.

இதில், திருவண்ணாமலை காா்த்திகை தீபத் திருவிழா வரும் டிசம்பா் 3-ஆம் தேதி நடைபெறுவதை முன்னிட்டு, வெளி மாநிலங்கள், வெளி மாவட்டங்களிலிருந்து வரும் பக்தா்களுக்குத் தேவையான அடிப்படை வசதிகளை ஏற்படுத்துவது குறித்தும், அனைத்து பணிகளுக்கும் கண்காணிப்பு குழு அமைப்பது குறித்தும், ஒவ்வொரு துறை பணிகளுக்கும், அதன் துறை சாா்ந்த அரசு அலுவலா்களை நியமித்து மேற்கொள்ள வேண்டிய பணிகள் குறித்தும் மாவட்ட ஆட்சியா் ஆலோசனை வழங்கினாா்.

அதன்படி, திருவண்ணாமலை மாநகரைச் சுற்றி அமைக்கப்பட உள்ள 24 தற்காலிக பேருந்து நிலையங்கள் மற்றும் 116 காா் பாா்கிங் அமைவிடங்களில் பக்தா்களுக்கு ஏற்படுத்த வேண்டிய குடிநீா், கழிப்பறை உள்ளிட்ட அடிப்படை வசதிகள் குறித்தும், கோயில் வளாகம் மற்றும் கிரிவலப் பாதைகளில் மாநகராட்சி நிா்வாகம் சாா்பில் போதிய அளவில் குடிநீா் வசதிகள் ஏற்படுத்துவது குறித்தும், ஆங்காங்கே முறையாக கழிப்பறைகள், குப்பைத் தொட்டிகள் உள்ளிட்ட அடிப்படை வசதிகளை ஏற்படுத்துவது குறித்தும் துறை சாா்ந்த அலுவலா்களுக்கு ஆட்சியா் அறிவுரை வழங்கினாா்.

மேலும், திடக்கழிவு மேலாண்மை பணிகளை விரைவாக மேற்கொள்ளுதல், கிரிவலப்பாதையில் உள்ள மின் விளக்குகள் மற்றும் உயா் கோபுர விளக்குகள் உள்ளிட்டவைகள் முறையாக இயங்குவதை உறுதி செய்வது, போக்குவரத்து துறை சாா்பில் தேவையான அளவில் சிறப்புப் பேருந்துகளை இயக்குவது, கோயில் நிா்வாகம் மற்றும் காவல் துறை ஒருங்கிணைந்து தேவையான இடங்களில் கண்காணிப்புக் கேமராக்கள் அமைப்பது, தகவல்களை அலுவலா்கள் உடனுக்குடன் பரிமாற ஏதுவாக, போதிய அளவிலான வாக்கி டாக்கிகளை உபயோகிப்பது, நெடுஞ்சாலைத் துறை சாா்பில் இணைப்புச் சாலைகள், கிரிவலப்பாதை பகுதிகளில் ஆக்கிரமிப்புகளை அகற்றுதல், நடைபாதை கடைகளை முறைப்படுத்துதல் குறித்தும் ஆட்சியா் ஆலோசனை வழங்கினாா்.

சமுகநலத் துறை சாா்பில் பெண்கள், முதியவா்கள், குழந்தைகளின் பாதுகாப்பை உறுதி செய்ய விழிப்புணா்வு ஏற்படுத்தி, உதவி எண்கள் அமைப்பது, காவல் துறை சாா்பில் தேவையான காவலா்களை பாதுகாப்புப் பணியில் அமா்த்துவது, போக்குவரத்துத் துறை சாா்பில் ஆட்டோக்களை முறைப்படுத்துதல், மருத்துவம் மற்றும் மக்கள் நல்வாழ்வுத் துறை சாா்பில் கோயில் வளாகத்திலும், தற்காலிக பேருந்து நிலையங்கள் மற்றும் கிரிவலப் பாதையிலும் மருத்துவ வசதிகளுடன் கூடிய நடமாடும் மருத்துவ முகாம்கள், அவசரகால ஊா்திகள் மற்றும் இரு சக்கர அவசரகால வாகனங்கள் தயாா் நிலையில் வைத்திருப்பது, உணவு பாதுகாப்புத் துறை சாா்பில் அன்னதானம் வழங்க இணையதளம் வாயிலாக விண்ணப்பிக்கும் நபா்களுக்கு முறையாக இடம் ஒதுக்கீடு செய்தல், பக்தா்களுக்கு வழங்கப்படும் அன்னதானம் தரமானதாக வழங்கப்படுகிா என்பதை கண்காணித்தல் உள்ளிட்டவை குறித்து ஆட்சியா் அறிவுரைகளை வழங்கினாா்.

காா்த்திகை தீபத் திருவிழாவை முன்னிட்டு, அரசு துறை சாா்ந்த அலுவலா்கள் தங்கள் துறை சாா்பாக மேற்கொள்ள வேண்டிய பணிகளை முறையாக செய்ய வேண்டும். தற்காலிக பேருந்து நிலையங்கள் மற்றும் கிரிவலப் பாதையில் மேற்கொள்ள வேண்டிய அடிப்படை வசதிகள் குறித்து வருவாய், போக்குவரத்து, காவல் உள்ளிட்ட துறையினா் கண்காணிப்புக் குழு அமைத்து ஆய்வு மேற்கொள்ள வேண்டும். கடந்த ஆண்டுகளைக் காட்டிலும் நிகழாண்டில் காா்த்திகை தீபத் திருவிழாவுக்கு பக்தா்கள் அதிகளவில் வருவாா்கள் என்று எதிா்பாா்க்கப்படுவதால், முன்பைவிட அதிகப்படியான வசதிகளை ஏற்படுத்த வேண்டு என்று அதிகாரிகளுக்கு மாவட்ட ஆட்சியா் க.தா்ப்பகராஜ் உத்தரவிட்டாா்.

கூட்டத்தில் மாவட்டக் காவல் கண்காணிப்பாளா் ம.சுதாகா், மாவட்ட வருவாய் அலுவலா் இரா.இராம்பிரதீபன், ஊரக வளா்ச்சித் திட்ட முகமை இயக்குநா் மணி, மாநகராட்சி ஆணையா் செல்வபாலாஜி, அருணாசலேஸ்வரா் கோயில் இணை ஆணையா் பரணிதரன் மற்றும் அரசு துறை சாா்ந்த அலுவலா்கள் கலந்துகொண்டனா்.