தனிப்படை போலீஸாா் மீது தாக்குதல்: சாராய கும்பலைப் பிடிக்க மீண்டும் தேடுதல் வேட்டை

வேலூா்: தனிப்படை போலீஸாா் தாக்கப்பட்ட விவகாரத்தில் தலைமறைவான மேலும் சில சாராய வியாபாரிகளைக் கைது செய்ய வேலூா் உட்கோட்ட காவல் துணைக் கண்காணிப்பாளா் திருநாவுக்கரசு தலைமையில் 30-க்கும் மேற்பட்ட போலீஸாா் அணைக்கட்டு மலைப் பகுதிகளில் மீண்டும் தேடுதல் வேட்டையில் ஈடுபட்டுள்ளனா்.

அணைக்கட்டு காவல் உதவி ஆய்வாளா் சிவக்குமாா் தலைமையில் 7 போ் கொண்ட தனிப்படை போலீஸாா் நெல்லிமரத்துக் கொட்டாய் கிராமத்தைச் சோ்ந்த சாராய வியாபாரி கணேசன் தலைமையிலான கும்பலைப் பிடிக்க அல்லேரி மலைப் பகுதியில் கடந்த இரு வாரங்களுக்கு முன்பு தேடுதல் வேட்டை நடத்தினா். அப்போது, மலைப் பகுதியில் மறைந்திருந்த கும்பல், போலீஸாரை சுற்றிவளைத்து கடுமையாக தாக்கியது. இதில், காவலா் ராகேஷ், தலைமைக் காவலா் அன்பழகன் ஆகியோா் பலத்த காயமடைந்தனா். சிறப்புக் காவல் உதவி ஆய்வாளா் சிவக்குமாா், மற்றொரு பெண் காவலா் உள்ளிட்டோா் லேசான காயமடைந்தனா்.

தாக்குதல் நடத்திய சாராயக் கும்பலைச் சோ்ந்த 23 போ் மீது போலீஸாா் வழக்குப் பதிவு செய்து, அவா்களைப் பிடிக்க 3 தனிப்படைகள் அமைத்து, அல்லேரி, குருமலை மலைப் பகுதிகளில் தீவிர தேடுதல் வேட்டையில் ஈடுபட்டனா். தொடா்ந்து 4 நாள்கள் தேடுதல் வேட்டை நடந்து வந்த நிலையில், தனிப்படை போலீஸாரை தாக்கியதாக தேடப்பட்டு வந்த இருவா் வேலூா் காவல் துணைக் கண்காணிப்பாளா் திருநாவுக்கரசு முன்பு சரணடைந்தனா். இதன்தொடா்ச்சியாக மேலும் இருவரையும் போலீஸாா் கைது செய்தனா். இதையடுத்து, மலைப் பகுதிகளில் தேடுதல் வேட்டையில் ஈடுபட்டிருந்த போலீஸாா் திரும்பினா்.

எனினும், இந்தத் தாக்குதலில் ஈடுபட்ட முக்கிய சாராய வியாபாரிகள் இன்னும் கைது செய்யப்படவில்லை எனக் கூறப்படுகிறது. அவா்களைப் பிடிக்க காவல் துணைக் கண்காணிப்பாளா் திருநாவுக்கரசு தலைமையில் 30-க்கும் மேற்பட்ட போலீஸாா், அல்லேரி மலைப்பகுதியில் புதன்கிழமை மீண்டும் முகாமிட்டுள்ளனா். அவா்கள் அல்லேரி, குருமலைப் பகுதியில் தொடா்ந்து தேடுதல் வேட்டை நடத்தி வருவதாக போலீஸாா் தெரிவித்தனா்.