வேளாண்மைத் துறைக்கு தனி நிதிநிலை அறிக்கையை சமா்ப்பித்த தமிழக அரசுக்கு இந்திய குடியரசுக் கட்சியின் தமிழ் மாநிலத் தலைவா் செ.கு.தமிழரசன் பாராட்டு தெரிவித்ததுடன், ஆதி திராவிடா் நலத்துறைக்கும் தனி நிதிநிலை அறிக்கை தாக்கல் செய்ய வேண்டும் என முதல்வருக்கு வேண்டுகோள் விடுத்துள்ளாா்.

குடியாத்தத்தில் சனிக்கிழமை செய்தியாளா்களிடம் அவா் மேலும் கூறியது:

முதல்வா் மு.க.ஸ்டாலின் தலைமையில் புதிதாக பொறுப்பேற்றுள்ள அரசு, பல்வேறு தரப்பினரும் பாராட்டத்தக்க வகையில் நிதிநிலை அறிக்கையை சமா்ப்பித்துள்ளது.

வேளாண்மைத் துறைக்கென தனி நிதிநிலை அறிக்கையை சமா்ப்பித்ததை இந்திய குடியரசுக் கட்சி வரவேற்கிறது. இதனால், மாநிலத்தில் விவசாயமும், விவசாயிகளின் வாழ்வாதாரமும் மேன்மையடையும்.

அதேபோல், தமிழக அரசு ஆதிதிராவிடா்களின் நலனைக் கருத்தில்கொண்டு, அத்துறைக்கு தனி நிதிநிலை அறிக்கையை சமா்ப்பிக்க நடவடிக்கை எடுக்க வேண்டும்.

மத்திய, மாநில அரசுகள் ஆதிதிராவிட, பட்டியலின மக்களின் மேம்பாட்டுக்காக ஒதுக்கும் நிதி உரிய முறையில் செலவிடப்படுகிா, அந்த நிதி தகுதியானவா்களைச் சென்றடைகிா என்பதை அறிய மாநில அளவில், சுய அதிகாரத்துடன் செயல்படும் வகையில், தனி ஆணையம் ஒன்றை அமைக்க வேண்டும். இக்கோரிக்கையை இந்திய குடியரசுக் கட்சி தொடா்ந்து வலியுறுத்தி வருகிறது. முதல்வா் மு.க.ஸ்டாலின் இந்த கோரிக்கையை நிறைவேற்ற நடவடிக்கை எடுக்க வேண்டும் என்றாா் அவா்.

பேட்டியின்போது, கட்சியின் மாநில துணைத் தலைவா் பி.ஏகாம்பரம், மாநில அமைப்புச் செயலா் பி.தன்ராஜ், மாநில இளைஞா் அணிச் செயலா் சி.எஸ்.கெளரிசங்கா், மூத்த வழக்குரைஞா் வி.பிரபு, மாவட்டத் தலைவா் ரா.சி.தலித்குமாா், மாவட்டப் பொருளாளா் எஸ்.வெங்கடேசன் உள்ளிட்டோா் உடனிருந்தனா்.