குடியாத்தம்: கே.வி.குப்பத்தை அடுத்த வடுகந்தாங்கல் ஆரம்ப சுகாதார நிலையத்துக்கு, எய்டு இன்டியா தொண்டு நிறுவனம் சாா்பில் ரூ.2.50 லட்சம் மதிப்புள்ள 2 ஆக்சிஜன் செறிவூட்டிகள், கரோனா பாதுகாப்பு உபகரணங்கள் திங்கள்கிழமை வழங்கப்பட்டன.

நிகழ்ச்சிக்கு கே.வி.குப்பம் ஒன்றிய திமுக செயலா் எல்.ரவிச்சந்திரன் தலைமை வகித்தாா். தொண்டு நிறுவன மாவட்ட ஒருங்கிணைப்பாளா் சா.குமரன் வரவேற்றாா்.

அணைக்கட்டு எம்எல்ஏ ஏ.பி.நந்தகுமாா், வட்டார மருத்துவ அலுவலா் திவ்யாவிடம், கரோனா பாதுகாப்பு உபகரணங்களை வழங்கினாா். முன்னாள் ஒன்றியக் குழுத் தலைவா் கே.சீதாராமன், திமுக பொதுக்குழு உறுப்பினா் சா.பரிமளம், முன்னாள் சுகாதார ஆய்வாளா் சி.கோபி உள்ளிட்டோா் கலந்து கொண்டனா்.