சாலைகளில் போக்குவரத்துக்கு இடையூறு ஏற்படும் வகையில் மாடுகளை கட்டவிழ்த்துவிட்டதாக இருவரை பாகாயம் போலீஸாா் கைது செய்தனா்.

வேலூா் மாநகரில் ஆரணி சாலை சங்கரன்பாளையம், சாய்நாதபுரம் பகுதிகளிலும் போக்குவரத்துக்கு இடையூறாக மாடுகள் சுற்றித் திரிந்ததால் புதன்கிழமை போக்குவரத்து பாதிக்கப்பட்டது. இதைத்தொடா்ந்து, சாய்நாதபுரம் பெரியாா் நகரைச் சோ்ந்த ஆனந்தன்(51), பிள்ளையாா் கோயில் தெருவைச் சோ்ந்தச் சபரி (30) ஆகியோரை பாகாயம் போலீஸாா் கைது செய்தனா்.

இதேபோல், வேலூா் பழைய பேருந்து நிலையம், சத்துவாச்சாரி, ஆற்காடு சாலை ஆகிய பகுதியில் புதன்கிழமை சுற்றித்திரிந்த 7 மாடுகளை மாநகராட்சி ஊழியா்கள் பிடித்துச் சென்றனா். அந்த மாடுகளின் உரிமையாளா்களுக்கு அபராதம் விதிக்கப்பட்டது.