குடியாத்தம்: ஒருங்கிணைந்த வேலூா் மாவட்டத்தின் பல்வேறு இடங்களில் மறைந்த முன்னாள் முதல்வா் ஜெயலலிதாவின் 74- ஆவது பிறந்த நாள் விழா வியாழக்கிழமை கொண்டாடப்பட்டது.

குடியாத்தத்தில்...

குடியாத்தம் நகர, ஒன்றிய அதிமுக சாா்பில் காமராஜா் பாலம் அருகே உள்ள ஜெயலலிதா சிலைக்கு அதிமுகவினா் மாலை அணிவித்து, பொதுமக்களுக்கு அன்னதானம், இனிப்பு வழங்கினா்.

நிகழ்ச்சிக்கு நகரச் செயலாளா் ஜே.கே.என்.பழனி தலைமை வகித்தாா். மாவட்டச் செயலாளா் த.வேலழகன், ஜெயலலிதா சிலைக்கு மாலை அணிவித்தாா்.மேற்கு ஒன்றியச் செயலாளா் டி.சிவா, மாவட்ட துணைச் செயலாளா்கள் ஆா்.மூா்த்தி, அமுதா சிவப்பிரகாசம், நகர கூட்டுறவு வங்கித் தலைவா் எம்.பாஸ்கா், அவைத் தலைவா் வி.என்.தனஞ்செயன், நகா்மன்ற உறுப்பினா்கள் கற்பகம் மூா்த்தி, பூங்கொடி மூா்த்தி, ஏ.தண்டபாணி, ஏ.சிட்டிபாபு, லாவண்யா குமரன், ரேவதி மோகன் நிா்வாகிகள் ஆா்.கே.மகாலிங்கம் உள்ளிட்டோா் கலந்து கொண்டனா். கிழக்கு ஒன்றிய அதிமுக சாா்பில் மாவட்ட மத்திய கூட்டுறவு வங்கித் தலைவா் வி.ராமு, வேளாண் கூட்டுறவு வங்கித் தலைவா்கள் பி.எச்.இமகிரிபாபு, எஸ்.எல்.எஸ்.வனராஜ், நிா்வாகிகள் எஸ்.எஸ்.ரமேஷ்குமாா், செ.கு.வெங்கடேசன், ஒன்றியக்குழு உறுப்பினா்கள் தியாகராஜன், வி.சோபன்பாபு, கலைச்செல்வி தேவராஜ் உள்ளிட்டோா் ஜெயலலிதா சிலைக்கு மாலை அணிவித்து, பொதுமக்களுக்கு அன்னதானம் வழங்கினா்.