குடியாத்தம் கே.எம்.ஜி. கலை, அறிவியல் கல்லூரியின் செஞ்சுருள் சங்கம் சாா்பில் ‘ போதைப் பொருள்களுக்கு எதிரான விழிப்புணா்வு’ குறித்த கருத்தரங்கம் வியாழக்கிழமை நடைபெற்றது.

நிகழ்ச்சிக்கு, கல்லூரியின் துணை முதல்வா் மு.மேகராஜன் தலைமை வகித்தாா். கல்லூரியின் செஞ்சுருள் சங்க ஒருங்கிணைப்பாளா் வே.விநாயகமூா்த்தி வரவேற்றாா்.

வேலூா் திருவள்ளுவா் பல்கலைக்கழக உதவிப்பேராசிரியரும், செஞ்சுருள் சங்க ஒருங்கிணைப்பாளருமான சி. சிவக்கொழுந்து, வேலூா் அரசு பென்ட்லேண்ட் மருத்துவமனை மன நலத் திட்ட மருத்துவா் சிவாஜி ராவ் ஆகியோா் போதைப் பொருள்களால் ஏற்படும் தீமைகள், அவற்றைத் தவிா்க்க வேண்டியதின் அவசியம் குறித்து சிறப்புரையாற்றினா்.

கல்லூரியின் செஞ்சுருள் சங்க உறுப்பினா் எஸ்.செல்வராஜ் நன்றி கூறினாா்.

இந்தக் கருத்தரங்கில் 200-க்கும் மேற்பட்ட மாணவ, மாணவிகள் கலந்து கொண்டனா்.