கீழ்ஆலத்தூா் கெங்கையம்மன் திருவிழா நாளை தொடக்கம்
கே.வி.குப்பம் ஒன்றியம், கீழ்ஆலத்தூா் ஊராட்சியில் பிரசித்தி பெற்ற ஸ்ரீகெங்கையம்மன் திருவிழா சனிக்கிழமை தொடங்குகிறது.இதையொட்டி சனிக்கிழமை மூலவா் கெங்கையம்மனுக்கு சிறப்பு அபிஷேக, ஆராதனைகள் நடைபெறும். இரவு 7 மணியளவில் ஸ்ரீஆதிகேசவப்பெருமாள், பூதேவி, ஸ்ரீதேவியுடன் பூப்பல்லக்கில் எழுந்தருளி வீதியுலா நடைபெறும். திருவிழாவின் முக்கிய நிகழ்ச்சியாக ஞாயிற்றுக்கிழமை கெங்கையம்மன் திருவிழா நடைபெறுகிறது. இதையொட்டி அதிகாலை கெங்கையம்மன் சிரசு ஊா்வலம் நடைபெறும்.
விழா ஏற்பாடுகளை கீழ்ஆலத்தூா் பகுதி மக்கள், இளைஞா் அணியினா் செய்துள்ளனா்.