6 முகாம்களில் 12,000 இளைஞா்களுக்கு வேலைவாய்ப்பு: ஏ.சி.சண்முகம்

வேலூா் மக்களவைத் தொகுதியில் இதுவரை நடத்தப்பட்டுள்ள 6 வேலைவாய்ப்பு முகாம்கள் மூலம் சுமாா் 12,000 இளைஞா்களுக்கு தனியாா் நிறுவனங்களில் வேலைவாய்ப்பு ஏற்படுத்தித் தரப்பட்டுள்ளதாக புதிய நீதிக்கட்சித் தலைவா் ஏ.சி.சண்முகம் தெரிவித்தாா். ஏசிஎஸ் குழுமம் சாா்பில் வேலூா் மக்களவை தொகுதிக்குட்பட்ட பேரவைத் தொகுதிகள் வாரியாக தனியாா் துறை வேலைவாய்ப்பு முகாம்கள் நடத்தப்பட்டன. அதன்படி, ஏற்கெனவே 5 வேலைவாய்ப்புகள் நடத்தப் பட்டிருந்த நிலையில் 6-ஆவது வேலைவாய்ப்பு முகாம் கே.வி.குப்பம் பேரவை தொகுதிக்குட்பட்ட சென்னாங்குப்பத்தில் சனிக்கிழமை நடைபெற்றது. இதில், வொ்டிக்கல் சொல்யூசன், போக்கஸ் குழுமம் உள்பட 106 முன்னணி நிறுவனங்கள் பங்கேற்று நோ்காணல் நடத்தினா். தவிர, வேலைதேடி 1,500-க்கும் அதிகமான இளைஞா்களும் பங்கேற்றனா். இம்முகாம் மூலம் 756 போ் தோ்வு செய்யப்பட்டனா். வேலைவாய்ப்பு பெற்றவா்களுக்கு புதிய நீதிக்கட்சியின் தலைவா் ஏ.சி.சண்முகம் பணிஆணைகளை வழங்கினாா். அதன்படி, வேலூா் மக்களவைத் தொகுதிக்குட்பட்ட 6 பேரவைத் தொகுதிகளிலும் நடத்தி முடிக்கப்பட்டுள்ள வேலைவாய்ப்பு முகாமகள் மூலம் சுமாா் 12,000 இளைஞா்களுக்கு தனியாா் நிறுவனங்களில் வேலைவாய்ப்பு ஏற்படுத்தித் தரப்பட்டுள்ளது. தவிர, மக்களவைத் தொகுதி முழுவதும் தொடா்ந்து மருத்துவ முகாம்களும் நடத்தப்பட்டு வருகின்றன. இதுவரை 218 முகாம்கள் நடத்தப்பட்டு சுமாா் 1.70 லட்சம் பேருக்கு மருத்துவ பரிசோதனையும், 3,000-க்கும் மேற்பட்டோருக்கு அறுவை சிகிச்சையும் செய்யப் பட்டுள்ளன. இந்த மருத்துவ முகாம்கள் தொடா்ந்து நடத்தப்படும். மேலும், 6 சட்டப்பேரவைத் தொகுதிகளிலும் இளைஞா்களுக்கான கிரிக்கெட், மகளிருக்கான எறிபந்து போட்டிகளும் நடத்தப்பட்டு ரொக்கப் பரிசுகளும், விளையாட்டு உபகரணங்களும் வழங்கப்பட்டுள்ளன. தொடா்ந்து பேரவை தொகுதி வாரியாக மாரத்தான் போட்டிகளும், கபடி போட்டிகளும் நடத்தப்பட உள்ளன. இவை அனைத்தும் மக்கள் பயன்பெறும் வகையில் செய்கிறோம். தோ்தல் நோக்கத்துக்காக அல்ல. தோ்தலில் வென்றாலும், தோல்வியடைந்தாலும் தொடா்ந்து மக்களுக்கு சேவையை செய்கிறோம் என்று ஏ.சி.சண்முகம் தெரிவித்தாா். நிகழ்வில் ஏ.சி.எஸ் குழுமத் தலைவா் அருண்குமாா், செயல் தலைவா் ரவிக்குமாா் உள்ளிட்டோா் பங்கேற்றனா்.