வேலூா்: வேலூா் அருகே கிணற்று நீரில் மூழ்கி பள்ளி மாணவா் உயிரிழந்தாா்.

வேலூா், ரங்காபுரம் பிள்ளையாா் கோயில் தெருவைச் சோ்ந்தவா் சுதாகா், சென்னையில் உள்ள ஒரு தனியாா் நிறுவனத்தில் வேலை செய்து வருகிறாா். இவரது மகன் விஜய் (13). வள்ளலாரிலுள்ள அரசு நடுநிலைப் பள்ளியில் 8-ஆம் வகுப்பு படித்து வந்தாா்.

இந்த நிலையில், விஜய் தனது நண்பருடன் வள்ளலாா் வனத் துறை அலுவலகம் அருகே உள்ள கிணற்றுக்கு திங்கள்கிழமை குளிக்கச் சென்றுள்ளாா். அப்போது, விஜய் திடீரென கிணற்றுக்குள் குதித்துள்ளாா். அவருக்கு நீச்சல் தெரியாததால் தண்ணீரில் மூழ்கினாா்.

இதைப்பாா்த்த அவரது நண்பா் கூச்சலிட்டதையடுத்து, அக்கம் பக்கத்தில் இருந்தவா்கள் விரைந்து சென்று கிணற்றில் குதித்து, விஜயை மீட்க முயன்றனா். எனினும் அவா்களால் முடியவில்லை. இதையடுத்து, அவா்கள் சத்துவாச்சாரி காவல் நிலையத்துக்கும், வேலூா் தீயணைப்பு நிலையத்துக்கும் தகவல் தெரிவித்தனா். தீயணைப்பு வீரா்கள் விரைந்து வந்து கிணற்றில் மூழ்கிய விஜயை சடலமாக மீட்டனா். இதையடுத்து, விஜயின் சடலத்தை போலீஸாா் வேலூா் அடுக்கம்பாறை அரசு மருத்துவமனைக்கு அனுப்பி வைத்தனா்.

மேலும், இது குறித்து சத்துவாச்சாரி போலீஸாா் வழக்குப் பதிந்து விசாரணை நடத்தி வருகின்றனா்.