வேலூா் அருகே ஒருதலை காதலில் கல்லூரி மாணவியை கத்தியால் கழுத்தை அறுத்தும், வயிற்றியும் குத்தியதுடன் இளைஞா் தூக்குப்போட்டு தற்கொலை செய்து கொண்டாா்.

வேலூா் மாவட்டம், தொரப்பாடி, எழில் நகரை சோ்ந்தவா் அப்சல் செரிப். இவரது மகள் ஆயிஷா பா்வீன் (19). இவா் சாய்நாதபுரத்தில் உள்ள தனியாா் கல்லூரியில் பிஎஸ்ஸி 2-ஆம் ஆண்டு படித்து வருகிறாா். வேலூா் அரியூா், ஜீவாநகரை சோ்ந்தவா் விக்கி என்கிற விக்னேஷ் (19). இவா் பிளஸ் 2 வரை படித்துவிட்டு வேலையின்றி இருந்துள்ளாா்.

இந்நிலையில், மாணவி ஆயிஷா பா்வினை விக்னேஷ் ஒரு தலைப்பட்சமாக காதலித்து வந்ததாக கூறப்படுகிறது. இதனால், ஆயிஷா பா்வீன் மாலை நேர கல்லூரிக்கு சென்று வரும்போது விக்னேஷ் அவரை பின்தொடா்ந்து காதலிக்கும்படி வற்புறுத்தி வந்துள்ளாா். இதற்கு மாணவி எதிா்ப்பு தெரிவித்து வந்ததாக தெரிகிறது.

இந்நிலையில், புதன்கிழமை ஆயிஷா பா்வீன், ராம்சேட் நகா் வழியாக கல்லூரிக்கு சென்று கொண்டிருந்தபோது அங்கு வந்த விக்னேஷ் மாணவியை தடுத்து நிறுத்தி காதலிக்கும்படி கூறியதாக தெரிகிறது. இதனால் இருவருக்கும் இடையே ஏற்பட்ட வாக்குவாதத்தில் ஆத்திரமடைந்த விக்னேஷ் தன்னிடமிருந்த கத்தியை எடுத்து மாணவியின் கழுத்தை அறுத்தும், வயிற்றில் கத்தியால் குத்தி விட்டும் அங்கிருந்து தப்பிச் சென்றாராம்.

மேலும், மாணவியை குத்திவிட்டு தனது வீட்டுக்கு சென்ற விக்னேஷ், அங்குள்ள ஒரு அறையின் மின்விசிறியில் தூக்குப்போட்டு தற்கொலை செய்து கொண்டுள்ளாா். கழுத்தறுக்கப்பட்ட மாணவி உடனடியாக தனது பெற்றோருக்கு கைப்பேசி மூலம் தகவல் தெரிவித்துள்ளாா்.

மாணவியின் பெற்றோா் சம்பவ இடத்துக்கு விரைந்து வந்து அவரை மீட்டு சிகிச்சைக்காக வேலூா் அடுக்கம்பாறை அரசு மருத்துவமனையில் சோ்த்தனா். அங்கு மாணவிக்கு தீவிர சிகிச்சை அளிக்கப்பட்டு வருகிறது. தகவலறிந்த பாகாயம் போலீஸாா் வழக்குப்பதிவு செய்து விசாரணை நடத்தி வருகின்றனா்.