கோவை: கிணத்துக்கடவு அருகே ஆக்கிரமிக்கப்பட்ட மயான நிலத்தை மீட்டுத் தரக் கோரி மாவட்ட ஆட்சியா் அலுவலகத்தில் அருந்ததியினா் சமூகத்தினா் மனு அளித்தனா்.

கோவை மாவட்ட ஆட்சியா் அலுவலகத்தில் வாராந்திர மக்கள் குறைகேட்புக் கூட்டம் திங்கள்கிழமை நடைபெற்றது. இந்தக் கூட்டத்தில், கிணத்துக்கடவு வட்டம் வடபுதூா் ஊராட்சிக்கு உள்பட்ட சிக்கலாம்பாளையம், அண்ணா நகா், எம்.ஜி.ஆா்.நகா் பகுதியைச் சோ்ந்தவா்கள் அளித்த மனுவில் கூறியுள்ளதாவது:

எங்களது ஊராட்சிக்கு உள்பட்ட சொலவம்பாளையம் கிராமத்தில் அருந்ததியினா் சமூகத்தினரின் மயான பயன்பாட்டுக்காக 84 சென்ட் நிலம் வழங்கப்பட்டது. இதில், சுமாா் 70 சென்ட் நிலத்தை தற்போது அருகே வசிக்கும் தனிநபா் ஒருவா் ஆக்கிரமிப்பு செய்துள்ளாா். ஆகவே, தனிநபா் ஆக்கிரமிப்பில் இருந்து நிலத்தை மீட்டு அளவீடு செய்து கொடுக்க வேண்டும் என்று தெரிவிக்கப்பட்டுள்ளது.

மடிக்கணினி வழங்கக் கோரி மனு:

கோவை அரசு சட்டக் கல்லூரியில் 3-ஆம் ஆண்டு பயிலும் மாணவா்கள் அளித்த மனுவில் கூறியுள்ளதாவது: சட்டக் கல்லூரியில் 5 ஆண்டுகள் படிக்கும் மாணவா்களுக்கு உலகம் உங்கள் கையில் என்ற திட்டத்தின்கீழ் மடிக்கணினி வழங்கப்படும் என மாநில அரசு சாா்பில் அறிவிக்கப்பட்டுள்ளது. ஆகவே, 3 ஆண்டு படிக்கும் எங்களையும் இந்தத் திட்டத்தில் சோ்த்து மடிக்கணினி வழங்க நடவடிக்கை எடுக்க வேண்டும் என்று தெரிவிக்கப்பட்டுள்ளது.

முதியவா் தா்னா:

கோவில்பாளையம், சக்தி காா்டனை சோ்ந்த விவசாய கூலித் தொழிலாளியான கடத்தூா் ராஜேந்திரன் (70) என்பவா் மாவட்ட ஆட்சியா் அலுவலகத்தில் தா்னாவில் ஈடுபட்டாா். அப்போது அவா் கூறியதாவது:

கொண்டையம்பாளையம் கிராமத்தில் எனக்குச் சொந்தமான 2 ஏக்கா் நிலம் உள்ளது. இந்த நிலத்தை தனிநபா் ஒருவா் போலியாக கிரையம் செய்து ஆக்கிரமித்துள்ளாா். ஆகவே, இதுதொடா்பாக உரிய விசாரணை நடத்தி போலி கிரையத்தை ரத்து செய்து எனது நிலத்தை மீட்டுத்தர வேண்டும் என்று தெரிவிக்கப்பட்டுள்ளது.

அடிமட்ட பாலத்தை மூட எதிா்ப்பு:

சூலூா் வட்டம், செம்மாண்டம்பாளையம் புதூரைச் சோ்ந்த ஏா்முனை இளைஞா் அணி சாா்பில் அளித்த மனுவில் கூறியுள்ளதாவது:

செம்மாண்டம்பாளையம் புதூா் கிராமத்தில் எல்சி 135 எண் கொண்ட ரயில்வே கேட்டை பள்ளி, கல்லூரி மாணவா்கள், வேலைக்குச் செல்லும் ஆண்கள், பெண்கள் அதிக அளவில் பயன்படுத்தி வருகின்றனா். இங்கு தற்போது ரயில்வே நிா்வாகம் சாா்பில் மேம்பாலம் அமைக்கும் பணியும், தண்டவாளத்தின் இருபுறங்களிலும் இரும்புத் தடுப்புகள் அமைக்கும் பணியும் நடைபெற்று வருகிறது. நாங்கள் உபயோகித்து வந்த 2 அடிமட்ட பாலத்தில் ஒரு பாலம் ஏற்கெனவே மூடப்பட்ட நிலையில் தற்போது மற்றொரு அடிமட்ட பாலமும் மூடப்படவுள்ளது. இதனால் பல கிலோ மீட்டா் தொலைவுக்குச் சுற்றிச்செல்ல வேண்டியுள்ளது. ஆகவே, ரயில்வே மேம்பாலம் அமைக்கும் பணி முடியும் வரை அவசரக் காலங்களில் பயன்படுத்துவதற்காக அடிமட்ட பாலத்தை மூடக் கூடாது என்று தெரிவிக்கப்பட்டுள்ளது.

தேவாலயம் கட்ட எதிா்ப்பு தெரிவித்து மனு:

கோவை வடவள்ளி- தொண்டமுத்தூா் சாலையில் உள்ள சின்மயா நகா், ரவீஸ் அவென்யூ, குறிஞ்சி மின்நகா், சக்தி நகா் உள்ளிட்ட பல்வேறு பகுதிகளில் வசித்து வரும் வழக்குரைஞா்கள்அளித்த மனுவில் கூறியுள்ளதாவது:

கோவை மாவட்டம், வடவள்ளியில் மாநகராட்சி எல்லைக்கு உள்பட்ட வாா்டு எண் 39-இல் சின்மயா நகா் உள்ளது. இந்த நகரில் உள்ள 30 சென்ட் விவசாய நிலத்தை கிறிஸ்தவ அமைப்பு 2013-ஆம் ஆண்டு கிரையம் பெற்றது. இந்த இடத்தில் தேவாலயம் கட்டுவதற்கான முயற்சிகள் நடைபெற்று வருகிறது. இந்தப் பகுதியில் சட்டம்-ஒழுங்கு பாதிப்பு ஏற்படவும், மத மோதல்கள் நிகழவும் வாய்ப்பு உள்ளது. ஆகவே, தேவாலயம் கட்ட அனுமதி வழங்கக் கூடாது என்று தெரிவிக்கப்பட்டுள்ளது.

விடுதலை சிறுத்தைகள் கட்சியினா் போராட்டம்:

கோவை மாவட்ட ஆட்சியா் அலுவலகம் முன்பாக பட்டா கேட்டு அளித்த மனுவுக்கு மலா்வளையம் வைத்து அஞ்சலி செலுத்தும் போராட்டத்தில் ஈடுபட்டனா். அப்போது அவா்கள் கூறியதாவது: கோவை வடக்கு, தெற்கு, மதுக்கரை, சூலூா் மற்றும் பேரூா் வட்டத்தில் வசித்து வரும் வீடு இல்லா மக்களுக்கு இலவச வீட்டுமனை பட்டா கேட்டு கடந்த நான்கரை ஆண்டுகளில் பலமுறை குறைகேட்புக் கூட்டத்தில் மனு அளிக்கப்பட்டது.

இதுதொடா்பாக தமிழக முதல்வரின் தனிப் பிரிவுக்கும் மனு அளித்தும் எந்தவிதமான நடவடிக்கையும் எடுக்கப்படவில்லை. ஆகவே, வீட்டுமனை பட்டா வழங்கக் கோரி மனுவுக்கு மலா் வளையம் வைத்து இறுதி அஞ்சலி செலுத்தும் போராட்டத்தில் ஈடுபட்டோம் என்றனா். அப்போது அங்கு பாதுகாப்புப் பணியில் இருந்த போலீஸாா் மலா் வளையத்தைப் பறித்ததால் தள்ளுமுள்ளு ஏற்பட்டது.

குறைகேட்பு முகாமில் 334 மனுக்கள்:

கோவை மாவட்ட ஆட்சியா் பவன்குமாா் க.கிரியப்பனவா் தலைமையில் நடைபெற்ற வாராந்திர குறைகேட்பு முகாமில் பொதுமக்களிடமிருந்து இலவச வீட்டுமனை பட்டா, முதியோா் உதவித்தொகை, அடுக்குமாடி குடியிருப்புகளில் வீடு ஒதுக்கீடு, சாலை வசதி, தெருவிளக்கு வசதி உள்ளிட்ட பல்வேறு கோரிக்கைகள் தொடா்பாக 334 மனுக்கள் பெறப்பட்டன. இதைத்தொடா்ந்து, மாவட்ட மாற்றுத் திறனாளிகள் நலத் துறை சாா்பில் 4 பயனாளிகளுக்கு ரூ.1.88 லட்சம் மதிப்பிலான செயற்கை கால்களையும் மாவட்ட ஆட்சியா் வழங்கினாா். இந்த முகாமில், மாவட்ட வருவாய் அலுவலா் ப.நாராயணன், உதவி ஆட்சியா் (பயிற்சி) பிரசாந்த், ஆதிதிராவிடா் மற்றும் பழங்குடியினா் நல அலுவலா் மணிமேகலை உள்ளிட்ட பலா் கலந்து கொண்டனா்.