அவசரப் பராமரிப்புப் பணிகள் காரணமாக ஒருசில பகுதிகளுக்கு பில்லூர் குடிநீர் விநியோகம் வெள்ளிக்கிழமை நிறுத்தப்படுவதாக அறிவிக்கப்பட்டுள்ளது.
இதுகுறித்து குடிநீர் வாரியம் வெளியிட்ட செய்திக் குறிப்பு:
தமிழ்நாடு குடிநீர் வடிகால் வாரிய சார்பில் பில்லூர் கூட்டுக் குடிநீர்த் திட்டத்தில் அவசரப் பராமரிப்புப் பணிகள் வெள்ளிக்கிழமை (மே 19) மேற்கொள்ளப்படுகிறது. இந்தக் குடிநீர் திட்டத்தின்கீழ், இயக்கப்படும் 4 பிரதான மின் மோட்டார்களில் 3 பிரதான மின் மோட்டார்கள் நிறுத்தப்படுகின்றன.
இதன்படி, கோவை மாநகராட்சி (பகுதி), பல்லடம் நகராட்சி, 14 பேரூராட்சிகள், 6 ஊராட்சி ஒன்றியங்களுக்கு வெள்ளிக்கிழமை காலை 6 மணி முதல் குடிநீர் விநியோகம் நிறுத்தப்படும். பின்னர், பணிகள் முடிக்கப்பட்டு வெள்ளிக்கிழமை நள்ளிரவு முதல் குடிநீர் விநியோகம் செய்யப்படும் என எதிர்பார்க்கப்படுவதாகத் தெரிவிக்கப்ட்டுள்ளது.