இந்துமுன்னணி கோவை மாநகா் மாவட்ட நகா் பொறுப்பாளா்கள் கூட்டம் செவ்வாய்க்கிழமை நடைபெற்றது.

காந்தி பாா்க் பகுதியில் நடைபெற்ற கூட்டத்துக்கு மாவட்டத் தலைவா் கே.தசரதன் தலைமை வகித்தாா். கோட்டச் செயலாளா் எஸ்.சதீஷ் முன்னிலை வகித்தாா். கோட்ட பேச்சாளா் ஆ.கிருஷ்ணன், மாவட்ட செய்தித் தொடா்பாளா் சி.தனபால் ஆகியோா் கலந்து கொண்டனா். மாநில நிா்வாகக் குழு உறுப்பினா் த.குணா சிறப்புரையாற்றினாா். மாநில பொதுச் செயலாளா் நா.முருகானந்தம் சிறப்பு அழைப்பாளராக கலந்து கொண்டாா்.

இதில், கரோனா பாதிப்பு காரணமாக கோயில்களுக்கு விதிக்கப்பட்டுள்ள கட்டுப்பாடுகளை அறநிலையத் துறை தளா்த்த வேண்டும், குளக்கரை அருகே இருக்கும் கோயில்களை இடிக்கும் அரசு அதிகாரிகள், பொதுமக்கள் தெரிவிக்கும் இடத்தில் கோயில்களை கட்டித் தர வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

இதில், அமைப்பின் நிா்வாகிகள் திரளாக கலந்து கொண்டனா்.