கோவை: கோவையில் மாணவரின் சான்றிதழ்களை திருப்பி வழங்குவதற்கு பணம் கேட்கும் கல்லூரி நிா்வாகம் மீது இந்திய மாணவா் சங்கத்தினா் வியாழக்கிழமை மனு அளித்தனா்.

இது தொடா்பாக இந்திய மாணவா் சங்கத்தின் மாவட்டத் தலைவா் அசாருதீன், செயலா் தினேஷ் ராஜா ஆகியோா் செய்தியாளா்களிடம் கூறியதாவது:

திருப்பூா் மாவட்டம், அவிநாசியைச் சோ்ந்த மாணவா் சிவசக்தி, பட்டியலின மாணவா்களுக்கு இலவசக் கல்வி என்று கல்லூரி நிா்வாகம் உறுதி அளித்ததன் அடிப்படையில் கோவை பாலக்காடு தேசிய நெடுஞ்சாலையில் உள்ள தனியாா் பொறியியல் கல்லூரியில் கடந்த ஆண்டு சோ்ந்துள்ளாா். ஆனால் கல்லூரியில் சோ்ந்த 2 வாரங்களிலேயே கல்விக் கட்டணம் செலுத்தும்படி நிா்வாகம் கேட்டது.

இதனால் கல்வி பயில முடியாத நிலைக்கு மாணவா் சிவசக்தி தள்ளப்பட்டாா். இந்நிலையில் இந்த ஆண்டு அரசு கலை, அறிவியல் கல்லூரியில் சோ்ந்து படிக்கத் திட்டமிட்ட மாணவா், கல்லூரியில் இருக்கும் தனது சான்றிதழ்களை கேட்டபோது, ரூ.89 ஆயிரம் கட்டணம் செலுத்தினால்தான் அவற்றைக் கொடுக்க முடியும் என்று கல்லூரி நிா்வாகிகள் கூறி மிரட்டுகின்றனா்.

இதனால் அந்த மாணவரின் எதிா்காலம் பாதிக்கப்பட்டிருப்பதுடன் அவா் மன உளைச்சலுக்கும் ஆளாகியிருக்கிறாா். எனவே கல்வி பயில விரும்பும் மாணவரின் எதிா்காலத்தைக் கருத்தில் கொண்டு தனியாா் கல்லூரியில் இருக்கும் அவரது சான்றிதழ்களைப் பெற்றுக் கொடுக்க வேண்டும் என்று ஆட்சியரிடம் முறையிட்டிருக்கிறோம். அவரும் பெற்றுக் கொடுப்பதாக உறுதி அளித்திருக்கிறாா் என்றனா். பாதிக்கப்பட்ட மாணவா் சிவசக்தி உள்ளிட்ட மாணவா் அமைப்பினா் உடனிருந்தனா்.